ఆన్‌లైన్ బెట్టింగ్‌లో అడిక్ట్ అయిన సాఫ్ట్‌వేర్ ఇంజనీర్.. చివరికి చేసుకున్న పని!||Hyderabad Software Engineer Ends Life After Losing Money in Online Betting

ఈజీమనీ కోసం ఆన్‌లైన్ బెట్టింగ్‌ లోకి అడుగు పెట్టిన యువకుడు.. చివరికి తనువు చాలించుకున్నాడు. తల్లిదండ్రుల ఆశలు తాకట్టు పెట్టిన ఒక యువకుడి జీవితం ఇలా ముగిసిపోవడానికి కారణం ఏంటి? ఇప్పుడు చూద్దాం.

ఆంధ్రప్రదేశ్ పశ్చిమగోదావరి జిల్లాకు చెందిన పవన్ హైదరాబాద్ బేగంపేట్‌లో ఒక సాఫ్ట్‌వేర్ కంపెనీలో పని చేస్తున్నాడు. ఎల్లారెడ్డిగూడా లోని బాయ్స్ హాస్టల్‌లో తన స్నేహితులతో కలిసి ఉండేవాడు.

అయితే ఈజీగా డబ్బులు సంపాదించాలి అనే తపనతో ఆన్‌లైన్ గేమింగ్, ఆన్‌లైన్ బెట్టింగ్ యాప్‌లలో అడుగు పెట్టాడు పవన్.
మొదట్లో చిన్న మొత్తంలో గెలిచినా, ఆ త్రుప్తి చాలలేదు.. మళ్లీ మళ్లీ ఎక్కువ పెట్టడం మొదలుపెట్టాడు.

ఇప్పుడు లక్కీ గేమ్ గెలుస్తాను, ఆడిన డబ్బులు తిరిగి వస్తాయి అన్న ఆశతో ఎక్కువ సొమ్మును బెట్టింగ్‌లకు తగలేశాడు.
అయితే ఆశించినట్లుగా లక్ కలిసి రాలేదు.. తిరిగి అన్ని డబ్బులు పోయాయి.

తన తండ్రి ఇటీవలే అప్పులు తీర్చారు. కుటుంబ పరిస్థితులు కుదుటపడుతుందనే సమయంలో, ఆన్‌లైన్ బెట్టింగ్ లో మరోసారి అప్పుల్లో ముంచుకున్నాడు పవన్.
దీనివల్ల తల్లి తండ్రులపై చెయ్యని తప్పును చేసినట్లు భావించిన పవన్.. చివరికి బాత్రూంలో వెళ్లి ఆత్మహత్యకు పాల్పడ్డాడు.

స్నేహితులు బయట ఎదురు చూస్తూ.. ఎంతకీ బయట రాకపోవడంతో తలుపు తోడి చూడగా.. పవన్ ఆత్మహత్య చేసుకున్నట్లు గమనించారు.

పోలీసులు కేసు నమోదు చేసి దర్యాప్తు ప్రారంభించారు.
పవన్ సెల్‌ఫోన్ ను పరిశీలించగా, ఆన్‌లైన్ బెట్టింగ్ యాప్‌ల నుండి వచ్చిన మెసేజ్‌లు కనిపించాయి.
అదే చివరి ఆధారంగా ఈ విషాద ఘటన వెలుగులోకి వచ్చింది.

పోస్టుమార్టం అనంతరం పవన్ మృతదేహాన్ని కుటుంబానికి అప్పగించి, పశ్చిమగోదావరి జిల్లాకు తరలించారు.

ఇలాంటి ఘటనలు రోజురోజుకీ పెరుగుతూనే ఉన్నాయి.

🪙 మొదట్లో చిన్న మొత్తంలో ఆడుతూ గెలిస్తారు.
🪙 గెలిచిన డబ్బులు ఎక్కువ చేయాలి అని మరిన్ని మొత్తాలను పెట్టి ఆడతారు.
🪙 ఒకసారి పోతే, “తిరిగి గెలిచి వసూలు చేసుకోవాలి” అని మరిన్ని పెట్టుబడులు పెడతారు.
🪙 చివరికి అప్పుల్లో మునిగి, ఆ ఊబిలోంచి బయటపడలేకపోతున్నారు.
🪙 చివరి దాకా ఆడిన డబ్బులను తిరిగి తెచ్చుకోవాలనే తపనలో వారే తాము మిగిలే అవకాశం లేకుండా ఆత్మహత్యకు పాల్పడుతున్నారు.

నిపుణుల ప్రకారం:

✅ ఆన్‌లైన్ గేమ్స్, బెట్టింగ్ మొదటలో చిన్న గెలుపులు ఇచ్చి ఆకర్షిస్తాయి.
✅ ఆ తర్వాత భారీ మొత్తాలను పోగొట్టేలా చేస్తాయి.
✅ సైకలాజికల్ డిప్రెషన్, లాస్ రికవరీ క్షోభలో ఆత్మహత్యలకు దారి తీస్తాయి.
✅ ఇలా జీవితాన్ని పాడు చేసుకోవడం కంటే, తల్లి తండ్రులు, స్నేహితులు, కౌన్సిలింగ్ ద్వారా బయటపడటమే మంచిదని సూచిస్తున్నారు.

ఇంకా ప్రభుత్వాలపై ప్రజల డిమాండ్:

🔹 ఆన్‌లైన్ బెట్టింగ్ యాప్‌లను బ్యాన్ చేయాలి.
🔹 ఇలాంటి యాప్‌ల యాజమాన్యంపై చట్టపరమైన చర్యలు తీసుకోవాలి.
🔹 యువతను ఆడే స్థితి రాకుండా అవగాహన కార్యక్రమాలు చేపట్టాలి.