భర్త చేతిలో భార్య హత్య: పల్నాడు జిల్లా వినుకొండలో కలకలం
పల్నాడు జిల్లా వినుకొండ నియోజకవర్గంలో బొల్లాపల్లి మండలం మేళ్లవాగు గ్రామంలో ఘోర ఘటన చోటుచేసుకుంది. కుటుంబ కలహాలు పెరిగి భర్త తన భార్యను కడతేర్చిన దారుణం గ్రామంలో కలకలం రేపుతోంది. పోలీసుల తెలిపిన వివరాల ప్రకారం బొల్లాపల్లి మండల కేంద్రానికి చెందిన గంగనబోయిన వెంకటేశ్వర్లు‌కు 20 ఏళ్ల క్రితం అదే మండలంలోని మేళ్లవాగుకు చెందిన కృష్ణకుమారితో వివాహమైంది. వివాహానంతరం కొన్ని రోజులకే వారిద్దరి మధ్య గొడవలు మొదలై, కృష్ణకుమారి అత్తింటి వద్దే కాపురం చేస్తూ వస్తున్నారు. ఈ దంపతులకు ఇద్దరు చిన్నపిల్లలు కూడా ఉన్నారు.
సోమవారం వెంకటేశ్వర్లు తన భార్యతో పొలం వెళ్లి తిరిగి రాకపోవడం పిల్లలకు అనుమానం కలిగించింది. తల్లిదండ్రులు ఇంటికి రాకపోవడంతో ఆందోళన చెందిన పిల్లలు స్థానికులకు ఈ విషయం చెప్పడంతో కొందరు గ్రామ పెద్దలు, స్థానికులు కలసి పొలం వైపు వెతికారు. అక్కడ ఓ చెట్టు కింద కృష్ణకుమారి మృతదేహం కనిపించింది. ఆమె ముఖంపై కత్తితో నరికిన గాయాలు ఉండటంతో, దాన్ని తాడుతో కప్పి పెట్టి ఉంచినట్లు గుర్తించారు. చుట్టుపక్కల వెతికినా భర్త వెంకటేశ్వర్లు ఆచూకి ఎక్కడ లేకపోవడంతో అతనే హత్యచేసి పరారై ఉంటాడన్న అనుమానంతో వెంటనే బండ్లమోటు పోలీసులకు సమాచారం అందించారు.
సమాచారం అందుకున్న రూరల్ సీఐ ప్రభాకర్ రావు, ఎస్ఐ బాలకృష్ణ ఘటనాస్థలికి చేరుకుని పరిస్థితిని పరిశీలించారు. మృతదేహాన్ని పంచనామా నిర్వహించి పోస్టుమార్టం నిమిత్తం వినుకొండ ప్రభుత్వ ఆసుపత్రికి తరలించారు. భర్త వెంకటేశ్వర్లు ఈ ఘటన తరువాత అజ్ఞాతంలోకి వెళ్లిపోయాడని పోలీసులు తెలిపారు. భార్యాభర్తల మధ్య జరుగుతున్న కుటుంబ కలహాలే ఈ హత్యకు కారణమై ఉండొచ్చని అనుమానిస్తున్నారు.
ఈ ఘటనతో గ్రామంలో విషాదం అలుముకుంది. చిన్నపిల్లలు తల్లిని కోల్పోయి తల్లడిల్లుతున్నారు. పోలీసులు ఈ ఘటనపై కేసు నమోదు చేసి దర్యాప్తు చేపట్టారు. వెంకటేశ్వర్లును త్వరలోనే పట్టుకుని అసలు కారణాలను బయటకు తేవాలని స్థానికులు కోరుతున్నారు. గ్రామస్తులు ఎవరూ ఇలాంటి ఘోరానికి చెడుగడలని, కలహాలు ఎంతగా పెరిగినా చట్టబద్ధంగా పరిష్కారం వెతకాలని పెద్దలూ సూచిస్తున్నారు.
Authors
