మంగళగిరి పట్టణంలోని 28వ వార్డులో వైఎస్సార్ కాంగ్రెస్ పార్టీ ఆధ్వర్యంలో “బాబు షూరిటీ మోసం గ్యారంటీ” పేరిట ఏర్పాటు చేసిన బహిరంగ సమావేశం కూటమి ప్రభుత్వ వైఫల్యాలపై ప్రజా వ్యతిరేకతకు ప్రతిబింబంగా నిలిచింది. కురగంటి ఆదం ఆధ్వర్యంలో జరిగిన ఈ కార్యక్రమానికి వందలాదిమంది ప్రజలు హాజరయ్యారు. ఇందులో పలువురు స్థానిక నాయకులు, కార్యకర్తలు పాల్గొని, ప్రభుత్వం పై తీవ్ర విమర్శలు చేశారు.
కార్యక్రమంలో మునగాల మల్లేశ్వరరావు (మంగళగిరి పట్టణ గౌరవ అధ్యక్షులు) మాట్లాడుతూ,
“ఒక సంవత్సరం పూర్తి అయినా కూడా కూటమి ప్రభుత్వం ఎలాంటి కీలక సంక్షేమ కార్యక్రమాలు ప్రారంభించలేదు. ఎన్నికల ముందు ఇచ్చిన హామీలన్నీ కేవలం ఓట్ల కోసమే. ఇప్పుడు ప్రజల జీవితాలు బాగుపడాలంటే నోరు మాత్రం మంచిగా మాట్లాడుతున్నారు కానీ చేతల్లో పని లేదు” అని అన్నారు.
అంతేగాక,
“ప్రతి కుటుంబానికి రూ. 1500 గ్యాస్ సబ్సిడీ, మూడు ఉచిత సిలిండర్లు, విద్యార్థులకు ఉపాధి హామీలు, రైతులకు న్యాయం, యువతకు ఉద్యోగాలు అనే మాటలు ఒక్కటీ అమలులో లేవు. పైగా నాటకంగా ఓ పింఛను పెంచినట్టు చేసి, దాన్ని కూడా వేల మందికి ఇవ్వకుండా తొలగించారు” అని మండిపడ్డారు.
ఈ సందర్భంగా పట్టణ అధ్యక్షుడు ఆకురాతి రాజేష్ మాట్లాడుతూ,
“వారు ఇచ్చిన సూపర్-6 హామీల్లో సగం కూడా కార్యరూపం దాల్చలేదు. ప్రజలు తప్పించుకున్న బాబు పాలన ఇప్పుడు తిరిగి మోసం గ్యారంటీగా వస్తోంది. దీని వెనుక పెద్ద కుట్ర ఉంది. ప్రజల ఓట్లతో గెలవలేకపోయిన వారు ఈవీఎం మాయాజాలంతో అధికారంలోకి వచ్చారు” అని ఆరోపించారు.
“మంగళగిరి ప్రజలు ఎప్పుడూ మోసానికి బలి కాదు. మా నాయకుడు జగన్ మోహన్ రెడ్డి రాష్ట్రానికి ఇచ్చిన విశ్వాసాన్ని ఇప్పుడు ప్రజలు మళ్లీ గుర్తుచేసుకుంటున్నారు. మళ్లీ రాష్ట్రాన్ని అభివృద్ధిపథంలో నడిపించాలంటే మోసం గ్యారంటీ నాయకత్వాన్ని తరిమికొట్టాల్సిందే” అని రాజేష్ పేర్కొన్నారు.
ఇక స్థానిక మహిళలు మాట్లాడుతూ —
“ఒక సంవత్సరం గడిచినా గ్యాస్ ధరలు తగ్గలేదు, ఉద్యోగ అవకాశాలు రాలేదు, రేషన్ సరఫరాలో దారుణమైన లోపాలు ఉన్నాయి. పిల్లల భవిష్యత్తు గురించి ప్రభుత్వం తలపెట్టే ఒక్క స్కీం కూడా లేదు” అని వాపోయారు.
అలాగే యువత పేర్కొనగా —
“పదవి వచ్చినంతసేపూ మాయ మాటలతో కాలం గడుపుతున్నారు. ఉద్యోగాలకు నోటిఫికేషన్లు రావడం లేదు, డ్రైవర్లకు, కాంట్రాక్ట్ ఉద్యోగులకు న్యాయం జరగడం లేదు. ఎవడైతే నిజంగా పని చేశారో వారిని వేధించడం మొదలెట్టారు” అని ఆగ్రహం వ్యక్తం చేశారు.
ఈ కార్యక్రమం ప్రజల్లో రాజకీయ చైతన్యాన్ని పెంచేలా, ప్రజల కోపాన్ని సముదాయంగా బయట పెట్టేలా సాగింది. మునగాల, రాజేష్ నాయకత్వంలో స్థానిక ప్రజలు తమ సమస్యలు తెలుపుతూ ప్రభుత్వంపై తీవ్ర విమర్శలు చేశారు. ప్రజలు మళ్లీ మోసపోకుండా ఉండేందుకు, ముందుగా జాగ్రత్త పడాలని పిలుపునిచ్చారు.
Author
