అమరావతి క్వాంటమ్ వ్యాలీ హ్యాకథాన్ పోటీలకు విజ్ఞాన్‌ నిరుల విద్యార్థినులు

అమరావతి క్వాంటమ్ వ్యాలీ హ్యాకథాన్ పోటీలకు విజ్ఞాన్‌ నిరుల విద్యార్థినులుభవిష్యత్ సాంకేతికతలలో ఆంధ్రప్రదేశ్ రాష్ట్రాన్ని ముందంజలో నిలిపేందుకు ముఖ్యమంత్రి నారా చంద్రబాబు నాయుడు గారు “అమరావతి క్వాంటమ్ వ్యాలీ”ని ప్రారంభించారు. ఈ క్రమంలో, ఆంధ్రప్రదేశ్ ప్రభుత్వం మరియు APSCHE సంయుక్తంగా అమరావతి క్వాంటమ్ వ్యాలీ హ్యాకథాన్–2025 (APQH-2025) ను నిర్వహిస్తున్నాయి.
దీనిలో భాగంగా, జేఎన్టీయూకే విశ్వవిద్యాలయానికి అనుబంధంగా గుంటూరులోని విజ్ఞాన్‌ నిరుల ఇన్‌స్టిట్యూట్ ఆఫ్ టెక్నాలజీ అండ్ సైన్స్ ఫర్ ఉమెన్ ఇంజనీరింగ్ కళాశాలలో ఇంటర్నల్ హ్యాకథాన్ పోటీలు నిర్వహించారు. మొత్తం 30 మంది విద్యార్థినులు వివిధ విభాగాల నుండి చురుకుగా పాల్గొన్నారు.
ఈ కార్యక్రమాన్ని ప్రిన్సిపాల్ డాక్టర్ పి. రాధిక ప్రారంభించారు. ఆమె మాట్లాడుతూ హ్యాకథాన్ లు విద్యార్థినుల తార్కిక ఆలోచన, సృజనాత్మకత, సమస్య పరిష్కార నైపుణ్యాలు మరియు ఆధునిక సాంకేతిక పరిజ్ఞానాలకు అనుగుణంగా మలచుకునే సామర్థ్యాన్ని పెంపొందించడానికి దోహదపడతాయని పేర్కొన్నారు. విద్యార్థులు ధైర్యంగా సృజనాత్మక సవాళ్లను స్వీకరించాలని ప్రోత్సహించారు. డీన్ ఆర్&డి డాక్టర్ వి. లక్ష్మణ్ నారాయణ కూడా ప్రసంగించి పాల్గొన్న విద్యార్థుల ఉత్సాహాన్ని అభినందించారు.
ఈ హ్యాకథాన్లో నెట్‌వర్క్ సెక్యూరిటీ, ఆర్టిఫిషియల్ ఇంటెలిజెన్స్, మెషిన్ లెర్నింగ్, డేటా సైన్స్ వంటి ఆధునిక రంగాలకు సంబంధించిన సమస్యలు ఇవ్వబడ్డాయి. ఉత్తమ ప్రతిభ కనబరిచిన బృందాలు రాష్ట్ర స్థాయి APQH-2025 పోటీలకు పంపించనున్నారు.
ఈ సందర్భంగా, ప్రిన్సిపాల్ డాక్టర్ పి. రాధిక విజేతలతో పాటు ఎంపికైన బృందాలను అభినందించి, రాబోయే రాష్ట్ర స్థాయి పోటీల్లో విజయం సాధించాలని ప్రోత్సహించారు.
ఈ కార్యక్రమాన్ని SPOC డాక్టర్ సత్య సందీప్, హెడ్ ఆఫ్ ది డిపార్ట్‌మెంట్స్, ఫ్యాకల్టీ కోఆర్డినేటర్లు మరియు స్టూడెంట్ కోఆర్డినేటర్లతో కలిసి విజయవంతంగా నిర్వహించారు.