మాచర్ల, సెప్టెంబర్స్వ: 20 9 25:చ్ఛాంధ్ర – స్వర్ణాంధ్ర కార్యక్రమంలో భాగంగా గుంటూరు జిల్లా మాచర్ల పట్టణం కొత్త ఉత్సాహంతో కళకళలాడింది. రాష్ట్ర ముఖ్యమంత్రి నారా చంద్రబాబు నాయుడు శనివారం ఉదయం స్థానిక చెరువు వద్ద స్వయంగా పాల్గొని పారిశుధ్య కార్యక్రమాన్ని ప్రారంభించారు. పారిశుధ్య కార్మికులతో కలిసి చెత్త తొలగించే కార్యక్రమంలో ఆయన కూడా పాల్గొనడం విశేషం.
సాయంత్రానికి చెరువు పరిసర ప్రాంతాన్ని పూర్తిగా శుభ్రం చేసిన కార్మికులు, అక్కడ సిమెంట్ బల్లలు ఏర్పాటు చేసి, పచ్చదనాన్ని పెంపొందించే లక్ష్యంతో మొక్కలు నాటారు. ఈ కార్యక్రమం సందర్భంగా పారిశుధ్య కార్మికుల కృషిని సీఎం చంద్రబాబు ప్రశంసిస్తూ, స్వచ్ఛత సాధనలో వారి పాత్ర అపూర్వమని పేర్కొన్నారు.
“పర్యావరణ పరిరక్షణ, ప్రజారోగ్యం కోసం ప్రతి ఒక్కరూ ఇలాంటి కార్యక్రమాల్లో భాగస్వామ్యం కావాలి,” అని సీఎం అన్నారు. చెత్తను తొలగించడం మాత్రమే కాదు, ఆ ప్రాంతాన్ని ఆకర్షణీయంగా మలచడంలో భాగంగా మొక్కలు నాటి, సిమెంట్ బల్లలు ఏర్పాటు చేయడం అభినందనీయమని తెలిపారు.
ఈ కార్యక్రమం ప్రజల్లో స్వచ్ఛత పట్ల అవగాహన పెంచడమే కాక, పచ్చదనం పెంపొందించేందుకు ఒక మంచి ఉదాహరణగా నిలిచింది.
Author
