ఒంగోలు:-తెలుగుదేశం పార్టీ ఒంగోలు పార్లమెంట్ అధ్యక్షులుగా డాక్టర్ ఉగ్ర నరసింహారెడ్డి గారి ప్రమాణ స్వీకార మహోత్సవం ఒంగోలు పట్టణంలో ఘనంగా జరిగింది. ఈ కార్యక్రమంలో పాల్గొన్న పర్చూరు శాసనసభ్యులు ఏలూరి సాంబశివరావు గారు ప్రసంగిస్తూ, పార్టీ భవిష్యత్తుపై విశ్వాసం వ్యక్తం చేశారు.
ఈ సందర్భంగా ఎమ్మెల్యే ఏలూరి సాంబశివరావు గారు మాట్లాడుతూ,
డాక్టర్ ఉగ్ర నరసింహారెడ్డి గారి నాయకత్వంలో ఒంగోలు పార్లమెంట్ పరిధిలో తెలుగుదేశం పార్టీ మరింత బలపడుతుందని స్పష్టం చేశారు. ప్రజల సమస్యలపై నిరంతరం పోరాడే నాయకుడు ఉగ్ర నరసింహారెడ్డి గారని కొనియాడారు.
పార్టీ కోసం అహర్నిశలు కృషి చేసిన నాయకుడికి ఈ బాధ్యతలు అప్పగించడం సరైన నిర్ణయమని, కూటమి ప్రభుత్వ లక్ష్యాలను ప్రజల్లోకి తీసుకెళ్లడంలో ఆయన కీలక పాత్ర పోషిస్తారని తెలిపారు. పేదలు, రైతులు, యువత సంక్షేమమే తెలుగుదేశం పార్టీ లక్ష్యమని, ఆ దిశగా అందరూ కలిసికట్టుగా పనిచేయాల్సిన అవసరం ఉందన్నారు.
ప్రజల నమ్మకాన్ని నిలబెట్టుకుంటూ, రాబోయే రోజుల్లో పార్టీని మరింత ప్రజల్లోకి తీసుకెళ్లేందుకు నాయకులు, కార్యకర్తలు సమష్టిగా శ్రమించాలని పిలుపునిచ్చారు. కార్యకర్తలే పార్టీకి పునాది అని, వారి కృషితోనే విజయాలు సాధ్యమని ఎమ్మెల్యే ఏలూరి సాంబశివరావు గారు పేర్కొన్నారు.Prakasam local News
ఈ కార్యక్రమంలో తెలుగుదేశం పార్టీ నాయకులు, కార్యకర్తలు పెద్ద సంఖ్యలో పాల్గొని, నూతన అధ్యక్షుడికి శుభాకాంక్షలు తెలిపారు. నినాదాలతో సభా ప్రాంగణం మార్మోగింది.
ఈ కార్యక్రమంలో పార్టీ నాయకులు, కార్యకర్తలు, ప్రజాప్రతినిధులు పెద్ద సంఖ్యలో పాల్గొన్నారు.
Author
