చీరాల, ఫిబ్రవరి 27: స్థానిక సెయింట్ ఆన్స్ కాలేజ్ ఆఫ్ ఇంజినీరింగ్ అండ్ టెక్నాలజి (SACET)లో రజతోత్సవ వేడుకల కోలాహలం మొదలైంది. కళాశాల 25 వసంతాలు పూర్తి చేసుకుంటున్న సందర్భంగా మార్చి 5, 6 తేదీలలో నిర్వహించనున్న జాతీయ స్థాయి టెక్నికల్ సింపోజియం ‘సాసెట్ రజితోత్సవ్’ గోడ పత్రికను (Poster) కళాశాల సెక్రటరీ వనమా రామకృష్ణా రావు, కరస్పాండెంట్ ఎస్. లక్ష్మణరావు శుక్రవారం సంయుక్తంగా ఆవిష్కరించారు.
రూ. 5 లక్షల ప్రైజ్ మనీ
ఈ సందర్భంగా ప్రిన్సిపాల్ డా॥ కె. జగదీష్ బాబు మాట్లాడుతూ.. రజతోత్సవ వేడుకల్లో భాగంగా నిర్వహిస్తున్న ఈ సింపోజియంలో వివిధ విభాగాల్లో పోటీలు ఉండబోతున్నాయని, గెలుపొందిన విద్యార్థులకు మొత్తం రూ. 5.00 లక్షల విలువైన నగదు బహుమతులు అందజేస్తామని ప్రకటించారు. విద్యార్థుల మేధస్సుకు పదును పెట్టేలా ఈ క్రింది ప్రధాన విభాగాలు ఉండనున్నాయి:
- కాగిటో: పేపర్ ప్రెజెంటేషన్ (PPT)
- విజన్ ఎక్స్: ప్రాజెక్ట్ ఎక్స్పో
- టెక్ట్రాక్స్: టెక్నికల్ క్విజ్
- పిచ్ పర్ఫెక్ట్: ఐడియా పిచ్చింగ్
- రాంపేజ్: కల్చరల్ ఈవెంట్స్
- స్పింట్ ఎక్స్: హ్యాకథాన్
- జెమిని: ప్రత్యేక AI ఈవెంట్
- ఇతర పోటీలు: ఫోటోగ్రఫీ (పిక్ స్టోరీ), ఇ-స్పోర్ట్స్ (హెడ్షాట్ హంట్), స్పెషల్ బిడ్డింగ్ (ఫాంటసీ ఫీవర్).
ప్రత్యేక ఆకర్షణగా విద్యార్థుల స్టాల్స్
ఈ వేడుకల సందర్భంగా విద్యార్థులు తమ సృజనాత్మకతను చాటుతూ వివిధ రకాల స్టాల్స్ను కూడా ఏర్పాటు చేస్తున్నట్లు ప్రిన్సిపాల్ తెలిపారు. ఆసక్తి గల విద్యార్థులు మరిన్ని వివరాల కోసం కళాశాల అధికారిక వెబ్సైట్ sacetrajathotsav.in ను సందర్శించాలని కోరారు.Bapatla Local News
ఈ కార్యక్రమంలో అక్రిడిటేషన్స్ డైరెక్టర్ డా॥ సి. సుబ్బారావు, అడ్మినిస్ట్రేషన్ డైరెక్టర్ వనమా దొర నాగ సాయినాథ్, అడ్మినిస్ట్రేటివ్ మేనేజర్ ఆర్.వి. రమణ మూర్తి మరియు వివిధ విభాగాల అధిపతులు, అధ్యాపకులు పాల్గొన్నారు.
Author
