- చీరాల కొత్తపేటలో భారీగా ‘రచ్చబండ’ కార్యక్రమం
- ఉపాధి శ్రామికుల కష్టాలను అడిగి తెలుసుకున్న షర్మిల
చీరాల: మహాత్మాగాంధీ జాతీయ గ్రామీణ ఉపాధి హామీ చట్టం (MGNREGA) పరిరక్షణే లక్ష్యంగా ఏపీసీసీ అధ్యక్షురాలు వైఎస్ షర్మిల రెడ్డి చేపట్టిన యాత్ర బాపట్ల జిల్లా చీరాల నియోజకవర్గంలో బుధవారం ఉత్సాహంగా సాగింది. మాజీ ఎమ్మెల్యే ఆమంచి కృష్ణమోహన్ ఆధ్వర్యంలో కొత్తపేట గ్రామంలో నిర్వహించిన ‘రచ్చబండ’ కార్యక్రమంలో ఆమె పాల్గొని, ఉపాధి కూలీలతో ముఖాముఖి మాట్లాడారు.
కూలీల కార్డుల తొలగింపుపై ఆగ్రహం:
ఈ సందర్భంగా షర్మిల మాట్లాడుతూ.. కేంద్ర ప్రభుత్వం ఉపాధి హామీ పథకాన్ని నిర్వీర్యం చేసేందుకు కుట్రలు చేస్తోందని మండిపడ్డారు. యాత్రకు చీరాల ప్రజలు బ్రహ్మరథం పట్టారని, శ్రామికులు తమ గోడును వెళ్లబోసుకున్నారని తెలిపారు.
- పని దినాల తగ్గింపు: గత పదేళ్లుగా రాష్ట్రంలో ఎక్కడా వంద రోజుల పని కల్పించడం లేదని, ఏడాదిలో కేవలం రెండు, మూడు వారాలు మాత్రమే పని దొరుకుతోందని ఆవేదన వ్యక్తం చేశారు.
- వేతనాల జాప్యం: కూలీ చేసినా వేతనాలు ఎప్పుడు పడతాయో గ్యారెంటీ లేని పరిస్థితి నెలకొందని, చాలా మంది కూలీల కార్డులను కారణం లేకుండానే తొలగించారని విమర్శించారు.
పాత పథకాన్నే కొనసాగించాలి:
ప్రధాని మోదీ తీసుకొచ్చిన కొత్త చట్టాలు (VB G- RAM G) తమకు వద్దని, దివంగత వైఎస్సార్ హయాం నుంచి అమలులో ఉన్న పాత ఉపాధి హామీ పథకాన్నే కొనసాగించాలని ప్రజలు డిమాండ్ చేస్తున్నారని షర్మిల పేర్కొన్నారు. ప్రజల నుంచి వ్యక్తమవుతున్న ఈ డిమాండ్ కాంగ్రెస్ చేస్తున్న పోరాటానికి మరింత బలాన్ని చేకూర్చిందని ధీమా వ్యక్తం చేశారు.
కిక్కిరిసిన కొత్తపేట:
ఈ రచ్చబండ కార్యక్రమానికి కాంగ్రెస్ నాయకులు, కార్యకర్తలు, ఆమంచి కృష్ణమోహన్ అనుచరులు మరియు కొత్తపేట గ్రామ ప్రజలు భారీ సంఖ్యలో తరలివచ్చారు. యాత్ర సాగినంత మేర షర్మిలకు మహిళలు, కూలీలు ఘన స్వాగతం పలికారుbapatla news
Author
