పల్నాడు జిల్లా గురజాల నియోజకవర్గ పరిధిలోని దాచేపల్లి మండలం గామాలపాడు గ్రామంలో పోలీసులు శనివారం తెల్లవారుజామున భారీ కార్డెన్ సెర్చ్ (తనిఖీలు) నిర్వహించారు. శాంతిభద్రతల పరిరక్షణలో భాగంగా జరిగిన ఈ తనిఖీల్లో భారీగా పోలీస్ బలగాలు పాల్గొన్నాయి.
తనిఖీల వివరాలు:
ఈ ఆపరేషన్లో ఇంచార్జ్ డి.ఎస్.పి వెంకటరమణ నేతృత్వంలో:
- 5 గురు సి.ఐలు
- 10 మంది ఎస్.ఐలు
- పెద్ద సంఖ్యలో పోలీస్ సిబ్బంది పాల్గొన్నారు.
గ్రామంలోని ప్రతి ఇంటిని, వీధిని క్షుణ్ణంగా తనిఖీ చేసిన పోలీసులు, సరైన పత్రాలు లేని 40 ద్విచక్ర వాహనాలను స్వాధీనం చేసుకున్నారు. వీటితో పాటు అనుమానాస్పదంగా ఉన్న పలుగులు, గొడ్డళ్లను కూడా పోలీసులు స్వాధీనం చేసుకున్నట్లు డి.ఎస్.పి తెలిపారు.
మాదకద్రవ్యాలపై ఉక్కుపాదం:
తనిఖీల అనంతరం గ్రామస్తులతో ఏర్పాటు చేసిన సమావేశంలో డి.ఎస్.పి వెంకటరమణ మాట్లాడుతూ, యువత మత్తు పదార్థాలకు దూరంగా ఉండాలని సూచించారు. గంజాయి, ఇతర డ్రగ్స్ వాడకం వల్ల కలిగే అనర్థాలపై అవగాహన కల్పించారు.
“గ్రామాల్లో అసాంఘిక కార్యకలాపాలకు పాల్పడితే సహించేది లేదు. ప్రతి ఒక్కరూ చట్టానికి లోబడి ఉండాలి.” అని ఆయన హెచ్చరించారు.
అనంతరం, మాదక ద్రవ్యాల నివారణకు తామంతా కృషి చేస్తామని, డ్రగ్స్ రహిత సమాజం కోసం పాటుపడతామని పోలీసుల సమక్షంలో గ్రామస్తులందరితో ప్రతిజ్ఞ చేయించారు. అనుమానిత వ్యక్తులు కనిపిస్తే వెంటనే పోలీసులకు సమాచారం అందించాలని కోరారు.Palnadu district Telugu local news: పల్నాడు జిల్లా తెలుగు లోకల్ న్యూస్
Author
