విశాఖపట్నం, మార్చి 30: ప్రజా సమస్యల పరిష్కార వేదిక (పీజీఆర్ఎస్)లో ప్రజలు సమర్పించే వినతులపై అధికారులు ప్రత్యేక దృష్టి సారించాలని, నిర్ణీత గడువులోగా నాణ్యమైన పరిష్కారాలు చూపాలని విశాఖపట్నం జాయింట్ కలెక్టర్ గొబ్బిళ్ల విద్యాధరి స్పష్టం చేశారు. సోమవారం కలెక్టరేట్ సమావేశ మందిరంలో నిర్వహించిన పీజీఆర్ఎస్ కార్యక్రమంలో ఆమె పాల్గొని, ప్రజల నుంచి వినతులను స్వీకరించారు.
సమస్యల పరిష్కారమే లక్ష్యం.. ఈ సందర్భంగా జేసీ మాట్లాడుతూ, ప్రజలు ఎన్నో ఆశలతో తమ సమస్యలను అధికారుల ముందు ఉంచుతారని, వారి ఫిర్యాదులను క్షుణ్ణంగా పరిశీలించి తగిన చర్యలు తీసుకోవాలని ఆదేశించారు. కేవలం వినతులు తీసుకోవడమే కాకుండా, వాటిపై స్పష్టమైన, సంతృప్తికరమైన సమాధానాలు (ఎండార్స్మెంట్లు) అందించాలని అధికారులకు సూచించారు.
ఒక్కరోజే 294 వినతులు.. ఈ రోజు జరిగిన ప్రజా వేదికలో ప్రజల నుంచి భారీగా వినతులు అందాయి. మొత్తం 294 దరఖాస్తులను అధికారులు స్వీకరించారు. ఇందులో ప్రధానంగా:
- జీవీఎంసీ: 69 వినతులు
- రెవెన్యూ శాఖ: 50 వినతులు
- పోలీస్ శాఖ: 30 వినతులు
- ఇతర శాఖలు: 145 వినతులు
ఈ కార్యక్రమంలో జాయింట్ కలెక్టర్తో పాటు జిల్లా రెవెన్యూ అధికారి (డీఆర్వో) ఎం. విశ్వేశ్వర నాయుడు, వివిధ శాఖల జిల్లా స్థాయి అధికారులు పాల్గొన్నారు.Visakhapatanam Local News :రోజ్గార్ మేళా ఘన విజయం
Author
