గుంటూరు జిల్లా వినుకొండ పట్టణానికి చేరువలో వేంచేసి ఉన్న ప్రసిద్ధ పుణ్యక్షేత్రం శ్రీ రామలింగేశ్వర స్వామి దేవాలయం భక్తులందరికీ ఆధ్యాత్మిక ఆత్మశాంతిని ప్రసాదిస్తుండగా, ఇప్పుడు పునర్నిర్మాణంతో మరింత వైభవం సంతరించుకోబోతోంది. రానున్న ఈ నెల 6వ తేదీ తొలి ఏకాదశి పండుగను పురస్కరించుకొని, కొండపై జరుగుతున్న పునర్నిర్మాణ పనులను రాష్ట్ర ప్రభుత్వ చీఫ్ విప్, సీనియర్ శాసనసభ్యులు జీవి ఆంజనేయులు స్వయంగా పరిశీలించడం విశేషం.
తన పర్యటనలో ఘాట్ రోడ్ మరమ్మతులు, బారి గేట్స్ ఏర్పాటు, రోడ్డు చదును పనులను సమీక్షించి సంబంధిత అధికారులతో సమీక్ష సమావేశం నిర్వహించారు. దేవాదాయ శాఖ, మునిసిపల్, విద్యుత్తు, పంచాయతీరాజ్ వంటి సంబంధిత శాఖల అధికారులు ఈ కార్యక్రమంలో పాల్గొని, ప్రతి పని సకాలంలో పూర్తి చేసి భక్తులకు ఎలాంటి ఇబ్బందులు కలగకుండా చూడాలని ఆదేశించారు. రాబోయే ఏకాదశి సందర్భంగా లక్షలాది మంది భక్తులు వచ్చే అవకాశమున్నందున, ఘాట్ రోడ్ పై రాకపోకలు సౌకర్యవంతంగా ఉండేలా బస్సు సర్వీసులను కూడా సమీక్షించారు. తిరుపతి ఘాట్ రోడ్ లో తిరిగే బస్సులను ప్రత్యేకంగా వినుకొండ ఘాట్ రోడ్ పై తిరిపించాలని జీవి ఆంజనేయులు అధికారులను ఆదేశించారు.
ఆలయంలో అఖండ జ్యోతి, భారీ అన్నదాన కార్యక్రమాలు, భక్తుల వసతి ఏర్పాట్లను పునర్నిర్మాణం పూర్తి కాకముందే తుదిరూపు దిద్దాలని ఆలయ అభివృద్ధి కమిటీకి సూచించారు. స్వామివారి దర్శనానికి వచ్చే భక్తులు ఎటువంటి అసౌకర్యం లేకుండా, స్నానాల గృహాలు, తాగునీటి సదుపాయం, పార్కింగ్ వంటి సౌకర్యాలు తక్షణం ఏర్పాటు చేయాలని సూచించడమే కాకుండా, కొండపై ఎక్కడైనా ప్రమాదకర ప్రాంతాలు ఉంటే తక్షణమే తొలగించి భక్తుల కోసం సురక్షిత మార్గాలను అందుబాటులో ఉంచాలని సూచించారు.
ఈ పునర్నిర్మాణం పూర్తయితే, వినుకొండ కొండపై ఉన్న రామలింగేశ్వర స్వామి ఆలయం తిరిగి క్షేత్రస్థాయిలో ప్రధాన భక్తీ కేంద్రంగా, ఆధ్యాత్మిక కేంద్రముగా మరింత స్థానం సంపాదిస్తుందనే నమ్మకం వ్యక్తమవుతోంది. ఆలయ అభివృద్ధి కోసం స్థానికంగా పెద్ద ఎత్తున విరాళాలు కూడా సమీకరించే ప్రయత్నాలు జరుగుతున్నాయి. అలాగే ఆలయ పరిసరాల పరిశుభ్రత, లైటింగ్, రహదారి సౌకర్యాలపై ప్రత్యేక దృష్టి పెట్టి భక్తుల రద్దీ పెరుగుతున్న దృష్ట్యా పునర్నిర్మాణ పనులు వేగవంతం చేస్తున్నారు.
ఈ కార్యక్రమంలో జి డి సి సి చైర్మన్ మక్కెన మల్లికార్జున రావు, కూటమి నాయకులు కూడా పాల్గొని పునర్నిర్మాణ పనులు ఎక్కడా అర్ధాంతరంగా ఆగిపోకుండా చూడాలని నిర్వాహకులను కోరారు. ఆలయ అభివృద్ధి కమిటీ సభ్యులు, విభిన్న శాఖల అధికారులు భక్తులు ఎదుర్కొనే సమస్యలను అడిగి తెలుసుకొని తక్షణ పరిష్కారాలు చూపించడానికి కృషి చేస్తున్నారు.
తొలి ఏకాదశి పండుగలో ప్రతి ఒక్క భక్తుడికి అన్నదానం, ప్రసాదం, దర్శనం ఏటువంటి ఇబ్బంది లేకుండా జరిగేలా అన్ని ఏర్పాట్లను ప్రభుత్వ స్థాయిలో సమీక్షించడం జరుగుతుండటంతో, ఈ ఏడాది ఈ పండుగ మరింత వైభవంగా, నిరంతర జ్ఞాపకంగా నిలుస్తుందనడంలో ఎలాంటి సందేహం లేదు.
ఇది వినుకొండ ప్రాంతానికి మాత్రమే కాదు, సమీప మండలాల భక్తులకు కూడా ఒక మంచి వార్తే అని స్థానికులు భావిస్తున్నారు. ఈ పునర్నిర్మాణం ద్వారా రామలింగేశ్వర స్వామి దేవాలయం ఇకపై మరింత భక్తులను ఆకర్షించే ప్రాముఖ్యతను పొందుతుందని ఆలయ కమిటీ సభ్యులు నమ్మకంగా చెబుతున్నారు.
Authors
