మచిలీపట్నం: 24 09 25 :-ఈ రోజు మచిలీపట్నంలోని జిల్లా కలెక్టరేట్ కార్యాలయంలో ఓ ముఖ్య సంఘటన చోటు చేసుకుంది. తాజాగా జాయింట్ కలెక్టర్ గా బాధ్యతలు స్వీకరించిన ఎం. నవీన్ గారు, జిల్లా కలెక్టర్ డీకే బాలాజీ గారిని మర్యాద పూర్వకంగా కలిశారు. కలెక్టరేట్ లోని కలెక్టర్ ఛాంబర్‌లో జరిగిన ఈ సమావేశం సానుకూల వాతావరణంలో కొనసాగింది.
బాధ్యతల స్వీకరణ అనంతరం జిల్లా పరిపాలన అంశాలపై జిల్లాకలెక్టర్ తో జాయింట్ కలెక్టర్ అభిప్రాయాలను పంచుకున్నారు. జిల్లాలోని అభివృద్ధి కార్యక్రమాల అమలు, ప్రజలకు అందుబాటులో ఉండే పరిపాలనను మరింత మెరుగుపర్చే దిశగా కార్యాచరణపై చర్చించారు.
ఈ సందర్భంగా కలెక్టర్ డీకే బాలాజీ గారు, జాయింట్ కలెక్టర్ ఎం. నవీన్ గారికి శుభాకాంక్షలు తెలియజేశారు. జిల్లా అభివృద్ధి కోసం ఇద్దరూ కలిసి సమిష్టిగా పనిచేస్తామని ఆశాభావం వ్యక్తం చేశారు.
Author
