బాపట్ల | డిసెంబర్ 24, 2026:- ప్రైవేట్ అంబులెన్స్ యజమానుల ఆగడాలకు అడ్డుకట్ట వేస్తూ బాపట్ల జిల్లా కలెక్టర్ డాక్టర్ వి. వినోద్ కుమార్, ఐఏఎస్ గారు కీలక ఆదేశాలు జారీ చేశారు. ప్రభుత్వం నిర్ణయించిన ధరల ప్రకారమే ఛార్జీలు వసూలు చేయాలని, నిబంధనలు అతిక్రమిస్తే కఠిన చర్యలు తప్పవని ఆయన స్పష్టం చేశారు.
అధికారిక ధరల పట్టిక ఆవిష్కరణ
బుధవారం జిల్లా కలెక్టర్ కార్యాలయంలో అంబులెన్స్ రవాణా ఛార్జీలకు సంబంధించిన అధికారిక పోస్టర్ను కలెక్టర్ ఆవిష్కరించారు. ఈ సందర్భంగా ఆయన మాట్లాడుతూ.. అత్యవసర పరిస్థితుల్లో ఉన్న ప్రజల బలహీనతను ఆసరాగా చేసుకుని అధిక వసూళ్లకు పాల్పడితే సహించేది లేదని హెచ్చరించారు.
ఫిర్యాదు చేయండిలా..
ఒకవేళ ఎవరైనా నిర్దేశించిన ధరల కంటే ఎక్కువ డిమాండ్ చేస్తే, ప్రజలు వెంటనే కింది మార్గాల ద్వారా ఫిర్యాదు చేయాలని సూచించారు:
- టోల్ ఫ్రీ నంబర్: 7702806804
- అధికారులు: జిల్లా వైద్య ఆరోగ్య శాఖాధికారి (DMHO) లేదా స్థానిక సంబంధిత అధికారులకు నేరుగా ఫిర్యాదు చేయవచ్చు.
“ప్రజలు అప్రమత్తంగా ఉండాలి. ప్రభుత్వం నిర్ణయించిన రేట్ల పట్టికను గమనించి, నిబంధనల ప్రకారమే సేవలు పొందాలి.” – డాక్టర్ వి. వినోద్ కుమార్, జిల్లా కలెక్టర్.Bapatla Local News
ఈ కార్యక్రమంలో వైద్య ఆరోగ్య శాఖ అధికారులు మరియు కలెక్టరేట్ సిబ్బంది పాల్గొన్నారు.
Author
