గుంటూరు జెడ్పీ ప్రాంగణంలో గురువారం సాయంత్రం ఏసీబీ దాడులు జరిగాయి. రూ. 30 వేలు లంచం తీసుకుంటూ ఐపీవో ముత్తి శ్రీనివాసరావు ఏసీబీకి పట్టుబడ్డారు. పరిశ్రమల శాఖలో ఐపీవోగా శ్రీనివాసరావు పనిచేస్తున్నారు. పరిశ్రమల రాయితీ నిధుల కోసం ప్రభుత్వానికి ఉత్తర్వులు పంపేందుకు లక్ష డిమాండ్ చేశారు. బాధితుడు మండేపూడి కమలాకర్ తో తొలుత 30వేలు ఇచ్చేందుకు ఒప్పందం కుదిరింది. ఈ నేపథ్యంలో జడ్పీ ప్రాంగణంలో డబ్బులు తీసుకునేందుకు ఐపీవో శ్రీనివాసరావు వచ్చారు. అదే సమయంలో ఏసీబీ అధికారులు దాడిచేసి పట్టుకున్నారు. ఏసీబీ అధికారులు శ్రీనివాసరావును అదుపులోకి తీసుకుని విచారిస్తున్నారు.
Author
