అమరావతి, సెప్టెంబర్ 2: ఆంధ్రప్రదేశ్ ప్రభుత్వం రాష్ట్రంలోని మూడు ముఖ్యమైన కమిషన్లు, అకాడమీ చైర్మన్‌లకు కేబినెట్ హోదా కల్పిస్తూ ఉత్తర్వులు జారీ చేసింది. ప్రభుత్వ ప్రధాన కార్యదర్శి (పాలిటికల్) ముఖేష్‌కుమార్ మీనా జారీ చేసిన జి.ఓ.ఎంఎస్ నెం.102 ప్రకారం, ఈ హోదా లభించిన వారు:
- డా. రాయపాటి సైలజా – ఏపీ రాష్ట్ర మహిళా కమిషన్ చైర్‌పర్సన్
- శ్రీ కె.ఎస్. జవహర్ – ఏపీ రాష్ట్ర షెడ్యూల్డ్ కాస్ట్ కమిషన్ చైర్మన్
- శ్రీ ఆళాపాటి సురేష్ – ఏపీ ప్రెస్ అకాడమీ చైర్మన్
ప్రభుత్వం ఇప్పటికే జారీ చేసిన జి.ఓ. ప్రకారం, కేబినెట్ హోదా కలిగిన వారికి అమలులో ఉన్న వేతనాలు, భత్యాలు వీరికి వర్తిస్తాయని ఉత్తర్వులో పేర్కొంది. సంబంధిత శాఖలు వేతనాలు, భత్యాల అమలు కోసం అవసరమైన చర్యలు తీసుకోవాలని ఆదేశించిందఫైనాన్స్ శాఖ ఆమోదంతో ఈ ఉత్తర్వులు వెలువడినట్లు జి.ఓ.లో వెల్లడించారు.
కేబినెట్ హోదా పొందిన వారికి లభించే సౌకర్యాలు:
- ప్రోటోకాల్ హోదా
- అధికారిక కార్యక్రమాల్లో మంత్రుల తరహా ప్రాధాన్యం.
- ప్రభుత్వ, జిల్లా స్థాయి ఈవెంట్లలో ప్రత్యేక గౌరవం.
- సెక్యూరిటీ సౌకర్యం
- రాష్ట్ర ప్రభుత్వం నుంచి వ్యక్తిగత భద్రత.
- పోలీస్ ఎస్కార్ట్/సెక్యూరిటీ సిబ్బంది కేటాయింపు.
- అధికారిక వసతి
- హైదరాబాదు/విజయవాడలో ప్రభుత్వం కేటాయించే బంగ్లా లేదా గెస్ట్‌హౌస్ వినియోగం.
- ప్రభుత్వ వాహనం
- డ్రైవర్‌తో కూడిన అధికారిక వాహనం.
- ఫ్యూయల్, మెయింటెనెన్స్ మొత్తం ప్రభుత్వ భారం.
- సిబ్బంది
- పర్సనల్ అసిస్టెంట్ (PA), స్టెనో, డ్రైవర్, అటెండెంట్ వంటి సిబ్బంది.
- ఇతర సౌకర్యాలు
- టెలిఫోన్, విద్యుత్, నీరు వంటి బిల్లులు ప్రభుత్వమే చెల్లిస్తుంది.
- ప్రయాణ ఖర్చులు (టీఏ/డీఏ) ప్రభుత్వ భారం.
- రాష్ట్ర ప్రభుత్వ ఆఫీసులు/అధికారులపై ఆదేశాలు ఇచ్చే అధికారం.
రాజకీయ ప్రాధాన్యం:
ఈ నిర్ణయం ద్వారా రాష్ట్ర ప్రభుత్వం, ముఖ్యంగా ఆ చైర్మన్‌లు ఉన్న సంస్థలకు మరింత బలాన్ని ఇవ్వనుంది. కేబినెట్ హోదా ఇవ్వడం ద్వారా వారికి రాజకీయంగా కూడా ప్రాధాన్యం పెరుగుతుంది.
