- కొత్త తరహా రక్తపరీక్ష విధానంపై శాస్త్రవేత్తల పరిశోధనలు
- తొలిదశలోనే క్యాన్సర్‌ నిర్ధారణకు కొత్త ఆశలు
ఒకే రక్తపరీక్షతో 50 రకాల క్యాన్సర్లను గుర్తించే సాంకేతికత అభివృద్ధి దిశగా శాస్త్రవేత్తలు ముందడుగు వేస్తున్నారు. ఈ పద్ధతి ద్వారా తొలిదశలోనే క్యాన్సర్‌ లక్షణాలను గుర్తించడం సాధ్యమవుతుందని వారు పేర్కొన్నారు.
‘డీమ్ టెస్ట్’ (DEEM Test) అనే ఈ పరీక్ష రక్తంలో జరిగే సూక్ష్మ మార్పులను విశ్లేషించి క్యాన్సర్‌ ఉనికిని గుర్తిస్తుంది. ప్రస్తుతం అమెరికా మరియు బ్రిటన్‌లోని వైద్య పరిశోధనా సంస్థలు ఈ పరీక్షపై విస్తృతంగా పరిశోధనలు నిర్వహిస్తున్నాయి.
25,000 మందిపై నిర్వహించిన పరీక్షల్లో 99 శాతం ఖచ్చితత్వంతో ఫలితాలు వచ్చినట్లు శాస్త్రవేత్తలు తెలిపారు. ఈ పరీక్ష ద్వారా కేవలం క్యాన్సర్‌ ఉనికిని మాత్రమే కాకుండా, శరీరంలో అది ఏ భాగంలో ప్రారంభమైందో కూడా తెలుసుకోవచ్చని వారు వెల్లడించారు.
క్యాన్సర్‌ నిర్ధారణకు ఇప్పటి వరకు సమయం ఎక్కువగా పట్టేది. అయితే ఈ కొత్త పద్ధతితో కేవలం కొన్ని గంటల్లోనే ఫలితాలు లభిస్తాయని నిపుణులు చెబుతున్నారు. దీని ద్వారా చికిత్సను తొందరగా ప్రారంభించి రోగుల ప్రాణాలను కాపాడే అవకాశం మరింత పెరుగుతుందని వారు విశ్వసిస్తున్నారు.
భవిష్యత్తులో ఈ రక్తపరీక్ష వైద్యరంగంలో విప్లవాత్మక మార్పులు తీసుకురావడమే కాకుండా, క్యాన్సర్‌ నిర్ధారణను మరింత సులభతరం చేయబోతోందని శాస్త్రవేత్తలు ఆశాభావం వ్యక్తం చేస్తున్నారు.
Author
