చింతలపూడి పోలీస్ స్టేషన్ ఆధ్వర్యంలో హయగ్రీవా గర్ల్స్ జూనియర్ కాలేజీ, చింతలపూడి లో ఇంటర్మీడియట్ విద్యార్థుల కోసం ప్రత్యేక అవగాహన కార్యక్రమం నిర్వహించబడింది.
ఈ కార్యక్రమంలో చింతలపూడి సీఐ శ్రీ క్రాంతి కుమార్ గారు, ఎస్ఐ శ్రీ సతీష్ కుమార్ గారు పాల్గొని విద్యార్థులకు పలు ముఖ్య అంశాలపై విలువైన సూచనలు, అవగాహన కలిగించారు. ముఖ్యంగా:
👉 విద్యాభారం, కుటుంబ ఒత్తిడులు వంటి సమస్యలతో మానసిక ఒత్తిడికి లోనవ్వకుండా ఉండటానికి విద్యార్థులు తీసుకోవలసిన జాగ్రత్తలపై మార్గదర్శనం.
👉 యువతలో పెరుగుతున్న సైబర్ నేరాలు – సోషల్ మీడియా వాడకంలో జాగ్రత్తలు, వ్యక్తిగత సమాచారం రక్షణ, ఆన్లైన్ మోసాలపై హెచ్చరికలు.
👉 బాలల రక్షణ కోసం ఉన్న POCSO చట్టం గురించి వివరణ, దాని కింద వచ్చే నేరాలు, బాధితులు తీసుకోవలసిన చర్యలపై అవగాహన.
ఈ సందర్బంగా పోలీసు అధికారులు విద్యార్థుల సందేహాలను తొలగిస్తూ, వారు మానసికంగా ఆరోగ్యంగా ఉండేందుకు అందుబాటులో ఉన్న సహాయక వనరులు, హెల్ప్ లైన్ నెంబర్లను తెలియ చేశారు.
ఈ కార్యక్రమం విద్యార్థుల్లో నైతిక స్థైర్యం, చట్టపట్ల అవగాహన పెంపొందించడంతో పాటు, వారు భవిష్యత్తులో బాధ్యతాయుతంగా తీరు అనుసరించేందుకు దోహదపడుతుంది.
Author
