చిరంజీవి వెండితెరకు పరిచయమై 47 ఏళ్లు పూర్తి

ప్రాణం ఖరీదు’ నుండి మెగాస్టార్గా.. అభిమానం నిలకడగా సాగిన చిరు ప్రయాణం

హైదరాబాద్‌:
టాలీవుడ్‌కి చిరు అనే కొత్త సంచలనం వచ్చి నేటికి నూటి నాలుగు పదునాలుగు చిత్రాలు పూర్తి చేసింది. చిరంజీవిగా ప్రపంచం గుర్తించిన కొణిదెల శివ శంకర వర ప్రసాద్, వెండితెరకు ఎంట్రీ ఇచ్చి నేటికి సరిగ్గా 47 ఏళ్లు.

1978 సెప్టెంబర్ 22న విడుదలైన ప్రాణం ఖరీదు చిత్రమే చిరంజీవికి మొదటి సినిమా. అప్పటి నుండి ఒక్కో మెట్టు ఎక్కుతూ… ఎన్నో అవార్డులు, అభిమానుల హృదయాలను గెలుచుకుంటూ… ఇన్నేళ్లుగా టాలీవుడ్‌ను శాసిస్తూ వస్తున్నారు. అంచెలంచెలుగా ఎదిగి ‘సుప్రీం హీరో’, ‘మెగాస్టార్’గా మారిన చిరంజీవి, ఇండస్ట్రీలో కొత్త రికార్డులను నెలకొల్పడంలో తనదైన ముద్ర వేశారు.

నటన, స్టైల్, డాన్స్, ఎంటర్‌టైన్‌మెంట్ — ప్రతి విభాగంలో చిరు తనకంటూ ప్రత్యేక ముద్ర వేసుకున్నారు. ఆయన వేసిన దారే తరువాతి తరం హీరోలకు మార్గదర్శకంగా నిలిచింది. మాస్ హీరో అనే పదానికి అర్థం చెప్పిన స్టార్ చిరంజీవి… నేల నుండి బాల్కనీ వరకూ అన్ని తరగతుల ప్రేక్షకులను ఒకే ఫ్లాట్‌ఫార్మ్‌పైకి తీసుకొచ్చిన ఘనత ఆయనదే.

ఇప్పటి వరకు 155 సినిమాలు చేసిన చిరంజీవి, రాబోయే మూడేళ్లలో కనీసం మరో ఐదు సినిమాలు చేసే అవకాశముందని పరిశ్రమ వర్గాల అంచనా. ఈ నేపథ్యంలో మెగాస్టార్ నటన ప్రస్థానానికి 50 ఏళ్లు పూర్తయ్యే వేళ, టాలీవుడ్ మొత్తం గొప్పగా ఆ రోజు జరుపుకోవాల్సిన అవసరం ఉందని అభిమానులు భావిస్తున్నారు.

ఈ సందర్భంగా చిరంజీవి ట్విటర్ ద్వారా తన అభిమానులకు, ప్రేక్షకులకు కృతజ్ఞతలు తెలిపారు. “మీ ఆశీస్సులు, ప్రేమ వల్లే ఈ ప్రయాణం సాధ్యమైంది. నాకు లభించిన ప్రతి అవార్డు, గుర్తింపు, అభిమాన బలంతోనే సాధ్యమైంది” అంటూ భావోద్వేగంగా స్పందించారు. అలాగే, ఇదే ప్రేమ, అభిమానం ఇక ముందు కూడా కొనసాగాలని ఆకాంక్షించారు.