గుంటూరు, అక్టోబర్ 7: రానున్న దీపావళి పండుగను దృష్టిలో ఉంచుకొని టపాసుల దుకాణాల ఏర్పాటులో utmost జాగ్రత్తలు తీసుకోవాలని జిల్లా కలెక్టర్ ఏ. తమీమ్ అన్సారియా స్పష్టం చేశారు. మంగళవారం జిల్లా కలెక్టర్ కార్యాలయంలో జరిగిన జిల్లా స్థాయి సమీక్షా సమావేశంలో కలెక్టర్ పలు కీలక సూచనలు చేశారు.
దుకాణాల ఏర్పాటుకు ముందుగా రెవిన్యూ, పోలీస్, విపత్తుల నిర్వహణ మరియు అగ్నిమాపక శాఖల సమిష్టి తనిఖీలు జరపాలని సూచించిన కలెక్టర్, నిబంధనలకు విరుద్ధంగా ఏ దుకాణానికీ అనుమతులు మంజూరు చేయవద్దని స్పష్టం చేశారు. ప్రజల ప్రాణ భద్రతను దృష్టిలో ఉంచుకొని అన్ని శాఖలు అప్రమత్తంగా ఉండాలని, అవసరమైన ఏర్పాట్లను ముందే పూర్తిచేయాలని ఆదేశించారు.
టపాసుల దుకాణాల ఏర్పాటు కోసం వ్యాపారులు నిర్దేశిత తేదీలలోగా దరఖాస్తు చేసుకోవాలని, నిబంధనలను తప్పనిసరిగా పాటించాలని సూచించారు.GUNTUR: గుంటూరులో వామపక్షాల ఆందోళన
ఈ సందర్భంగా గుంటూరు రెవిన్యూ డివిజనల్ అధికారి శ్రీనివాస రావు, తెనాలి ఇన్‌ఛార్జి సబ్ కలెక్టర్ విజయలక్ష్మి తమ తమ డివిజన్‌లలో చేపట్టిన ఏర్పాట్ల వివరాలు తెలిపారు.
జిల్లా విపత్తులు – అగ్నిమాపక శాఖ అధికారి ఎం. శ్రీనివాస రెడ్డి మాట్లాడుతూ, టపాసుల దుకాణాలు నివాస ప్రాంతాలు, వాణిజ్య సంస్థలు, రహదారులు, జనసమ్మర్ద ప్రదేశాలకు కనీసం 50 మీటర్ల దూరంలో ఉండాలన్నారు. ప్రతి దుకాణం మధ్య కనీసం మూడు మీటర్ల దూరం ఉండేలా ఏర్పాటు చేయాలని సూచించారు. GUNTUR NEWS:రాజధానిలో మంత్రి నారాయణ పర్యటన
సమీక్షా సమావేశంలో జాయింట్ కలెక్టర్ అశుతోష్ శ్రీవాస్తవ, జిల్లా రెవిన్యూ అధికారి ఎన్.ఎస్.కె. ఖాజా వలి, జిల్లా వైద్య ఆరోగ్య శాఖాధికారి కె. విజయలక్ష్మి, పంచాయతీ అధికారి బీవీ నాగ సాయి కుమార్, అదనపు పోలీసు సూపరింటెండెంట్, తహసీల్దార్లు తదితర అధికారులు పాల్గొన్నారు.
Author
