అరటిపండు తినడం – తక్షణ శక్తి, బరువు నియంత్రణకు సరైన మార్గం

అరటిపండు మన ఆరోగ్యానికి ఎంతో మేలు చేసే సహజమైన పండు. ఇది తక్కువ ధరలో అందుబాటులో ఉండే పండు కావడం, అందులోని పోషకాలు శరీరానికి తక్షణ శక్తిని అందించడంలో కీలక పాత్ర పోషిస్తాయి. మధ్య పరిమాణంలో ఉన్న ఒక అరటిపండులో సుమారు 105 కేలరీలు, 27 గ్రాముల కార్బోహైడ్రేట్లు, 3 గ్రాముల ఫైబర్ ఉంటాయి. ఇందులో సహజంగా ఉండే చక్కెరలు, కార్బోహైడ్రేట్లు శరీరానికి తక్షణ శక్తిని అందిస్తాయి. అందుకే వ్యాయామానికి ముందు అరటిపండు తినడం వల్ల శక్తి పెరుగుతుంది, శరీరంలో ఫ్యాట్ బర్న్ ప్రక్రియను వేగవంతం చేయడంలో సహాయపడుతుంది. అరటిపండులో ఉండే ఫైబర్ ఎక్కువసేపు ఆకలిని నియంత్రించడంలో, తక్కువ కాలరీలతో ఎక్కువ తృప్తిని కలిగించడంలో ఉపయోగపడుతుంది.

అయితే, అరటిపండును అధికంగా తినడం, లేదా సరైన సమయాన్ని పాటించకుండా తినడం వల్ల బరువు పెరగడం జరుగుతుంది. ఎందుకంటే ఇందులో ఉండే సహజ చక్కెరలు, కార్బోహైడ్రేట్లు శరీరంలో కొవ్వుగా మారే అవకాశం ఉంది. ముఖ్యంగా రాత్రిపూట లేదా భోజనం తర్వాత ఎక్కువగా అరటిపండ్లు తినడం వల్ల శరీరానికి అవసరమైన శక్తి వినియోగం జరగకపోవడంతో, అదనపు కార్బోహైడ్రేట్లు కొవ్వుగా నిల్వవుతాయి. కానీ, రోజుకు ఒక అరటిపండు మాత్రమే, అది కూడా సరైన సమయానికి ఉదయం లేదా వ్యాయామానికి ముందు తింటే, బరువు తగ్గడంలో సహాయపడుతుంది.

బరువు తగ్గాలనుకునే వారు అరటిపండును స్మూతీలో చక్కెర, పాలను కలపకుండా తీసుకోవడం ఉత్తమం. ఇలా తీసుకుంటే అదనపు కాలరీలు తగ్గిపోతాయి, ఫైబర్ వల్ల ఆకలి నియంత్రణలో ఉంటుంది. అరటిపండును ఉదయం ఖాళీ కడుపుతో లేదా మధ్యాహ్నం స్నాక్‌గా తీసుకోవడం వల్ల శరీరానికి తక్షణ శక్తి లభిస్తుంది, రోజంతా ఉల్లాసంగా ఉండేందుకు సహాయపడుతుంది. ఇక బరువు పెరగాలనుకునే వారు అరటిపండును పాలు, గింజలు, వెన్నతో కలిపి తీసుకోవచ్చు. ఇలా తీసుకుంటే అధిక కాలరీలు, మంచి కొవ్వులు శరీరానికి అందుతాయి, బరువు పెరగడంలో సహాయపడుతుంది.

అరటిపండులో ఉండే పొటాషియం, విటమిన్ B6, విటమిన్ C, మాంగనీస్ వంటి ఖనిజాలు శరీరానికి అవసరమైన పోషకాలు అందిస్తాయి. పొటాషియం గుండె ఆరోగ్యాన్ని మెరుగుపరిచే గుణాన్ని కలిగి ఉంది. అరటిపండులో ఉండే సహజ చక్కెరలు రక్తంలో చక్కెర స్థాయిని మెల్లగా పెంచుతాయి, అందువల్ల డయాబెటిస్ ఉన్నవారు కూడా పరిమితంగా తీసుకోవచ్చు. అరటిపండు జీర్ణక్రియను మెరుగుపరచడంలో, మలబద్ధకాన్ని తగ్గించడంలో సహాయపడుతుంది.

డైటీషియన్లు రోజుకు ఒక అరటిపండును మాత్రమే సిఫార్సు చేస్తున్నారు. ఎక్కువగా తినడం వల్ల బరువు పెరగడం, రక్తంలో చక్కెర స్థాయిలు పెరగడం వంటి సమస్యలు రావచ్చు. ఆరోగ్యకరమైన జీవనశైలిలో భాగంగా అరటిపండును పరిమితంగా, సరైన సమయానికి తీసుకోవడం ద్వారా తక్షణ శక్తిని, ఆకలి నియంత్రణను, బరువు నియంత్రణను పొందవచ్చు. అరటిపండు తినడం ద్వారా శరీరానికి తక్కువ ఖర్చుతో అధిక పోషకాలు, తక్షణ శక్తి లభించడం, ఆరోగ్యంగా ఉండేందుకు సహాయపడటం వంటి లాభాలు పొందవచ్చు.