ప్రజలకు వద్దకే ప్రభుత్వం..ప్రజల చేతిలో ప్రభుత్వం అనే ఆశయంతో రాష్ట్ర ప్రభుత్వం మన మిత్ర పేరుతో తీసుకొచ్చిన వాట్సాప్ గవర్నెన్స్ నంబర్ 9552300009 ను గుంటూరు పశ్చిమ నియోజకవర్గ ప్రజలందరూ తమ మొబైల్ ఫోన్లలో వినియోగించుకోవాలని ఎమ్మెల్యే గల్లా మాధవి సూచించారు. అందుకు అనుగుణంగా సచివాలయ అధికారులు ప్రజల్లో అవగాహన కల్పించాలని ఎమ్మెల్యే గళ్ళా మాధవి కోరారు.కూటమి ప్రభుత్వం వేగవంతంగా పౌర సేవలను అందిస్తోందని, మన మిత్ర యాప్ ద్వారా “ప్రజల చేతిలో ప్రభుత్వం” అనే భావనను సాకారం చేసేందుకు చర్యలు తీసుకున్నట్టు ఎమ్మెల్యే గళ్ళా మాధవి తెలిపారు. యువగళం పాదయాత్రలో నారా లోకేష్“బటన్ నొక్కితే పౌర సేవలు అందిస్తాను” అని ఇచ్చిన హామీని అమలు చేస్తూ వాట్సాప్ ద్వారా పౌర సేవలు అందుబాటులోకి వచ్చాయని పశ్చిమ ఎమ్మెల్యే గళ్ళా మాధవి పేర్కొన్నారు.ఇకనైనా మున్సిపల్ అధికారులు ప్రజల్లో మన మిత్ర సేవలపై విస్తృత అవగాహన కల్పించాలని ఎమ్మెల్యే గళ్ళా మాధవి సూచించారు.
Author
