అమరావతి, మార్చి 14: ఆంధ్రప్రదేశ్ రాష్ట్రంలో పెరుగుతున్న ఎండల తీవ్రతను దృష్టిలో ఉంచుకుని, విద్యార్థుల ఆరోగ్య రక్షణ కోసం ప్రభుత్వం కీలక నిర్ణయం తీసుకుంది. మార్చి 16వ తేదీ నుండి రాష్ట్రంలోని అన్ని ప్రభుత్వ, ప్రైవేట్ పాఠశాలల్లో ఒంటిపూట బడులు (Half-Day Schools) నిర్వహించనున్నట్లు విద్యాశాఖ ప్రకటించింది. ఈ మేరకు విద్యాశాఖ డైరెక్టర్ విజయ రామరాజు ఒక అధికారిక ఉత్తర్వు (GO) జారీ చేశారు.
నూతన సమయాలు ఇవే:
కొత్త నిబంధనల ప్రకారం, పాఠశాలలు ఉదయం 7:45 గంటల నుంచి మధ్యాహ్నం 12:30 గంటల వరకు మాత్రమే పని చేస్తాయి. ఈ సమయంలో విద్యార్థులకు తరగతులు జరుగుతాయి. రాష్ట్రంలోని అన్ని యాజమాన్యాల పాఠశాలలు (ప్రభుత్వ, ఎయిడెడ్, ప్రైవేట్) ఈ సమయాలను కచ్చితంగా పాటించాలని ప్రభుత్వం స్పష్టం చేసింది.
భోజనం, రాగిజావ యథావిధిగా:
ప్రభుత్వ పాఠశాలల్లో చదువుతున్న విద్యార్థులకు ఉదయం వేళలో రాగిజావ మరియు మధ్యాహ్న సమయానికి మధ్యాహ్న భోజనం (Mid Day Meals) యథావిధిగా అందుతుందని విద్యాశాఖ స్పష్టం చేసింది. ఎండల తీవ్రత నుంచి విద్యార్థులను రక్షించడానికి ఈ నిర్ణయం తీసుకున్నట్లు వారు పేర్కొన్నారు.http://AP NEWS
Author
