హైదరాబాద్‌లో ప్రజల భారీ పాల్గొనడం ప్యాన్క్రియాటిక్ కేన్సర్ రోగుల సంఖ్య యువతలో పెరుగుతున్న నేపథ్యంలో, ప్రజల్లో అవగాహన పెంచేందుకు మెడికోవర్ ఆసుపత్రుల ఆధ్వర్యంలో హైదరాబాదులో వాక్‌థాన్ నిర్వహించారు. నెక్లెస్ రోడ్‌ పీపుల్స్ ప్లాజా నుండి జలవిహార్ వరకు వాక్‌థాన్ నిర్వహించగా, పెద్ద సంఖ్యలో ప్రజలు పాల్గొన్నారు.
ఈ కార్యక్రమంలో పాల్గొన్న డాక్టర్అ డ్డాల పవన్ కుమార్ , మెడికోవర్ ఆసుపత్రుల సర్జికల్ గ్యాస్ట్రోఎంటరాలజిస్టు మాట్లాడుతూ “యువతలో ప్యాన్క్రియాటిక్ కేన్సర్ కేసులు పెరుగుతున్నాయి. ప్రారంభ దశలో స్పష్టమైన లక్షణాలు కనబడకపోవడంతో దీనిని ‘సైలెంట్ కిల్లర్’ అంటారు. దీంతో రోగ నిర్ధారణ ఆలస్యమవుతూ, ప్రమాదం మరింత పెరుగుతుంది,” అని పేర్కొన్నారు.భారతదేశంలో ప్రతి సంవత్సరం దాదాపు 15,000 ప్యాన్క్రియాటిక్ కేన్సర్ కేసులు నమోదవుతున్నాయి.
అనారోగ్యకరమైన జీవన శైలి, మోతాదు మించిపోయే ఆల్కహాల్ సేవనం, అపోహాస్పద ఆహారపు అలవాట్లు, ఒత్తిడి వంటి అంశాలు ఈ వ్యాధికి ప్రధాన కారణాలు అవుతున్నాయని తెలిపారు. తెలంగాణలో కూడా ఈ వ్యాధి కేసులు పెరుగుతున్నాయని హెచ్చరించారు.
డాక్టర్ అడ్డాల పవన్ కుమార్ ప్రజలకు సూచించారు —ఆరోగ్యకరమైన జీవన విధానం అనుసరించాలని, క్రమం తప్పకుండా మెడికల్ చెకప్‌లు చేయించుకోవాలని, వ్యాధి ప్రమాదాన్ని తగ్గించే జాగ్రత్తలు పాటించాలని” అన్నారు.
వాక్‌థాన్‌లో ప్రజల ఉత్సాహభరితమైన భాగస్వామ్యం కనిపించింది. ప్యాన్క్రియాటిక్ కేన్సర్ పై అవగాహన, ఆరోగ్యపరమైన జీవన శైలి, ప్రారంభ దశలో వ్యాధినిర్ధారణ యొక్క ప్రాముఖ్యత వంటి అంశాలు ఈ కార్యక్రమం ద్వారా ప్రజలకు చేరాయి.
Author
