నెల్లూరు నగరంలో గురువారం ఒక భావోద్వేగ సంఘటన జరిగింది. వీఆర్ విద్యాసంస్థల ప్రాంగణాన్ని సందర్శించిన నెల్లూరు నగరపాలక కమిషనర్ వైవో నందన్ గారు అక్కడ అనుకోని సంఘటనకు సాక్షిగా నిలిచారు.
ఇంట్లో తినడానికి లేక.. చదువుకోడానికి అవకాశముండక.. రోడ్డుపై బిక్షాటన చేస్తూ, పూట గడుపుతున్న చిన్నారులు పెంచలయ్య, వెంకటేశ్వర్లు ఆ స్కూల్ గేట్ దగ్గరకు వచ్చారు. “సార్.. మాకూ చదువు చెబుతారా?” అంటూ, చేతులు జోడించి అడిగిన ఆ చిన్నారుల మాటలు అందరి హృదయాలను తాకాయి.
లక్షల రూపాయల ఫీజులు చెల్లించి, హాస్టెల్, కోచింగ్ ఇవ్వడం ఉన్నప్పటికీ కొంతమంది పిల్లలు చదువంటే ఆసక్తి చూపరు. కానీ బిక్షాటన చేసి బ్రతికే ఈ చిన్నారులు విద్య కోసం ఇలా అడగడం, ఆ స్థలం వద్ద ఉన్న వారందరినీ ఆలోచనలో పడేసింది.
“సార్.. మాలాంటి వాళ్లకీ ఇక్కడ చదువు చెబుతారనడం విన్నాం. మాకీ చదువుకోవాలన్న ఆశ ఉంది. మమ్మల్ని కూడా చేర్చుకోండి” అని అడిగిన విధానం అందరినీ కదిలించింది.
కమిషనర్ నందన్ గారు ఆ చిన్నారుల తపనను గమనించి అక్కడే వారిని దగ్గరకు తీసుకుని మాట్లాడుతూ:
“మీలా ఉన్న పిల్లల కోసం ఈ పాఠశాలను ప్రారంభించాం. మీరు మీకు తెలిసిన పెద్దవారిని తీసుకొని రా. వెంటనే మీకు అడ్మిషన్ ఇస్తాము.” అని హామీ ఇచ్చారు.
తన వ్యక్తిగత ఫోన్ నంబర్ రాసి ఆ చిన్నారుల చేతిలో పెట్టి, “ఏమైనా సమస్య ఉంటే నన్ను కాల్ చేయండి. చదువులో మీకు తోడుంటాను” అని భరోసా కల్పించారు.
ఆ చిన్నారులు సరళంగా, విద్య కోసం విన్నపం చేయడం, అధికారులు వెంటనే స్పందించడం, అక్కడ ఉన్న వారందరినీ భావోద్వేగంలోకి నెట్టింది. అక్కడ ఉన్న సిబ్బంది, ఉపాధ్యాయులు, తల్లిదండ్రులు ఈ దృశ్యాన్ని చూసి కనులు తడి చేసుకున్నారు.
ఎందుకు ఈ చిన్నారులు ఇలా అడగాల్సి వచ్చిందో?
వారికీ చదువుకోవాలన్న తపన ఉంది, కానీ ఆర్థిక పరిస్థితులు దారుణంగా ఉన్నాయి. తల్లిదండ్రులు లేరు, లేదా ఉన్నా వారిని చూసుకునే స్థితిలో లేరు. రోజూ బిక్షాటన చేస్తూ, గుడిసెలో ఉంటూ జీవనం సాగిస్తున్నారు. అలాంటి చిన్నారులు స్కూల్ వద్దకు వచ్చి స్వయంగా అడగడం అంటే అది ఆ చిన్నారుల కలలు ఎంత పెద్దవో అర్థం చేసుకోవచ్చు.
విద్య విలువను గుర్తించిన చిన్నారులు
చిన్న వయసులోనే “విద్యే మన భవిష్యత్తు” అని తెలిసిన ఆ పిల్లలు, వారికోసమే ప్రభుత్వం, ప్రభుత్వ అధికారులు ప్రారంభించిన స్కూళ్లు ఉన్నాయని తెలుసుకుని వచ్చారు. ఇది ఒక ఉదాహరణగా నిలుస్తుంది.
కమిషనర్ స్పందనతో వెలుగులోకి వచ్చిన నిజమైన సర్వీస్
కమిషనర్ నందన్ గారు చిన్నారులపై చూపిన ఆప్యాయత, భరోసా, వెంటనే అడ్మిషన్ హామీ ఇవ్వడం నిజమైన సర్వీస్ మైండ్‌కి ఉదాహరణ. అధికారి స్థాయి ఏమిటో, అందులో జాగ్రత్తగా ఉన్నా.. ఒక చిన్నారి ఆశను నిర్లక్ష్యం చేయకుండా స్పందించడం నిజంగా గొప్ప విషయం.
సమాజానికి సందేశం:
- చిన్నారులు విద్య కోసం అడిగితే, మనం ఎక్కడ ఉన్నామో ఆలోచించాలి.
- ప్రతి చిన్నారి చదువుకోవడానికి అవకాశం ఇవ్వాలి.
- ప్రభుత్వ పాఠశాలలు, అధికారులు ఇచ్చే అవకాశాలను వినియోగించుకోవాలి.
- విద్య ద్వారా వారి జీవితం మారుతుందని వారికి భరోసా కల్పించాలి.
Authors
