మంగళగిరి, ఫిబ్రవరి 23: ముఖ్యమంత్రి సహాయ నిధి (CMRF) ద్వారా మంజూరైన చెక్కులను మంగళగిరి మండలం పెద్దవడ్లపూడి గ్రామంలో సోమవారం లబ్ధిదారులకు పంపిణీ చేశారు. మంత్రి నారా లోకేష్ ఆదేశాల మేరకు, ఆయన ప్రత్యేక చొరవతో మంజూరైన ఈ చెక్కులను టీడీపీ నాయకులు నేరుగా బాధితుల ఇళ్లకు వెళ్లి అందజేశారు.
ముగ్గురు లబ్ధిదారులకు రూ. 2.23 లక్షల ఆర్థిక సాయం
వైద్య చికిత్సలు, అనారోగ్య కారణాలతో ఆర్థిక ఇబ్బందుల్లో ఉన్న ముగ్గురు బాధితులకు ప్రభుత్వం నుండి మొత్తం రూ. 2,23,923 విలువైన సహాయం అందింది. లబ్ధిదారుల వివరాలు ఇలా ఉన్నాయి:
- జవ్వాది సాంబశివరావు: రూ. 65,536/-
- చిట్టిబొమ్మ అనురాధ: రూ. 1,24,523/-
- వాకా శ్రీనివాసరావు: రూ. 33,864/-
ప్రజల సంక్షేమమే లక్ష్యం: టీడీపీ నాయకులు
ఈ సందర్భంగా టీడీపీ నాయకులు మాట్లాడుతూ, ప్రజల సంక్షేమమే ధ్యేయంగా రాష్ట్ర ప్రభుత్వం పనిచేస్తోందని పేర్కొన్నారు. ప్రమాదాలు, దీర్ఘకాలిక అనారోగ్య సమస్యలతో సతమతమవుతున్న కుటుంబాలను ఆదుకోవడానికే సీఎం రిలీఫ్ ఫండ్ ద్వారా ఈ సాయం అందిస్తున్నట్లు తెలిపారు. కష్టాల్లో ఉన్న తమను కనికరించి, ఆర్థిక సహాయం అందేలా చూసిన మంత్రి నారా లోకేష్కు లబ్ధిదారులు ఈ సందర్భంగా ప్రత్యేక కృతజ్ఞతలు తెలియజేశారు.managalagiri news
పాల్గొన్న ముఖ్య నేతలు
చెక్కుల పంపిణీ కార్యక్రమంలో మంగళగిరి మార్కెట్ యార్డ్ చైర్మన్ జవ్వాది కిరణ్ చంద్ తో పాటు మాదల రమేష్ బాబు, చిట్టిబొమ్మ వెంకటేశ్వరరావు, నడపన దుర్గారావు, కనపాల సాగర్, యోమినేని సుధాకర్, ఉల్లంగీ శ్రీనివాసరావు, వాకా బాజీ తదితరులు పాల్గొన్నారు.
Author
