Guntur Local News:పెదనందిపాడు మండలంలో కేంద్ర సహాయ మంత్రి పర్యటన

గుంటూరు జిల్లా: పెదనందిపాడు:12-10-25:- మండలం అబ్బినేనిగుంటపాలెంలో కేంద్ర సహాయ మంత్రి పెమ్మసాని చంద్రశేఖర్, స్థానిక ఎమ్మెల్యే డాక్టర్ రామాంజనేయులు శనివారం పర్యటించారు. ఈ సందర్భంగా గ్రామంలో రూ.2 కోట్ల అంచనా వ్యయంతో నిర్మించనున్న జిల్లా పరిషత్ పాఠశాల నిర్మాణానికి శంకుస్థాపన చేశారు.

ఈ సందర్భంగా మంత్రి మాట్లాడుతూ, “పేదవాడిని ప్రపంచానికి పరిచయం చేసేది చదువు. అజ్ఞానాన్ని అక్షరంతో నింపేది గురువు. మన సమాజంలో విద్యకు ఉన్న ప్రాధాన్యత ఎంతో గొప్పది,” అని అన్నారు. అబ్బినేనిగుంటపాలెంలోని పాత పాఠశాల గురించి గుర్తుచేస్తూ, “ఇక్కడ 75 ఏళ్ల క్రితం దాతల సహకారంతో పాఠశాల నిర్మించారు. ఈ పాఠశాల విద్యార్థుల్లో సుమారు 500 మంది ప్రస్తుతం ఎన్నారైలు గా విదేశాల్లో ఉన్నారు. మాజీ మంత్రి మాకినేని పెద రత్తయ్య, మాజీ ఎమ్మెల్యే రావి వెంకటరమణ, ఎన్నారై యుగంధర్ ప్రసాద్ లాంటి ప్రముఖులు ఇక్కడ చదువుకున్నారు,” అని వివరించారు.సొంత ఊరిపై ప్రేమతో ఎన్నారై యుగంధర్ ప్రసాద్ రూ.2 కోట్లు పాఠశాల నిర్మాణానికి విరాళంగా ఇచ్చిన విషయాన్ని మంత్రి ప్రస్తావించారు. “తల్లిదండ్రులను మరచిపోతున్న ఈ కాలంలో, సముద్రాలు దాటి అమెరికాలో ఉన్న యుగంధర్ తన గ్రామాన్ని మరచిపోలేదు. ఇది ప్రతి ఒక్కరికి స్ఫూర్తిదాయకం,” అన్నారు.ముందుగా 2016లో రూ.40 లక్షలతో సాగర్ కాల్వ నుంచి పైపులైను వేసిన విషయాన్ని మంత్రి గుర్తు చేశారు. అలాగే, గ్రామంలో కోటి రూపాయలతో కల్యాణ మండపం నిర్మించారని, అనేకమంది విద్యార్థులకు ఉపకార వేతనాలు అందిస్తున్నారన్న విషయాన్ని హైలైట్ చేశారు.రాష్ట్రంలో రూ.60 వేల కోట్ల విలువైన సంక్షేమ పథకాలు అమలు స్తున్నామని,విద్యారంగంలో చరిత్రలో లేని విధంగా మార్పులు తీసుకొస్తున్నామని పెమ్మసాని పేర్కొన్నారుగతంలో పెద్ద విశ్వవిద్యాలయాల్లో.రాజకీయ నాయకుల తోత్తుల్ని చాన్సలర్లుగా నియమించేవారని, ఇప్పుడు మంత్రి లోకేష్ మంచి వ్యక్తులను వైస్ చాన్సలర్లుగా నియమిస్తున్నారని వ్యాఖ్యానించారు. డీఎస్సీ ద్వారా 16 వేల మంది టీచర్లకు ఉద్యోగాలు ఇచ్చినట్టు తెలిపారు. త్వరలో మరో డీఎస్సీ నోటిఫికేషన్ ప్రకటించేందుకు ప్రభుత్వం యోచిస్తున్నదని వెల్లడించారు.పెదనందిపాడు వరకు గుంటూరు ఛానల్ నిర్వహణ బాధ్యత తమదేనని, అక్కడి నుంచి బాపట్ల జిల్లా అధికారులు చూసుకుంటారని మంత్రి స్పష్టం చేశారు.ఈ కార్యక్రమంలో జనసేన నియోజకవర్గ కోఆర్డినేటర్ కొర్రపాటి నాగేశ్వరరావు, పెద్ది సాంబశివరావు, గ్రామ పార్టీ అధ్యక్షులు మాకినేని శ్రీకాంత్, సొసైటీ చైర్మన్ పార్వతి కృష్ణ, మండల పార్టీ అధ్యక్షులు కోడూరు రాంబాబు, గుంటూరు పార్లమెంట్ ఉపాధ్యక్షులు జంపని హనుమంతరావు, ఎన్నారై లాస్ ఏంజిల్స్ టీడీపీ అధ్యక్షులు ఆళ్ల వెంకట్, బోలినేని బాలరత్నం, ఎన్పీ ప్రకాశ్, ఐటీడీపీ నాగరాజు, రామినేని శ్రీనివాసరావు, చంద్రయ్య, నాగండ్ల శ్రీనివాసరావు, విశ్వనాథం, సురేష్ తదితరులు పాల్గొన్నారు.