మంగళగిర:పెదవడ్లపూడి:- సమాజ గమనాన్ని మార్చగలిగే శక్తి మహిళకే ఉందని, అన్ని రంగాల్లోనూ మహిళలు తమ అద్భుత ప్రతిభతో దూసుకుపోతున్నారని మంగళగిరి స్నేహ మహిళా మండలి అధ్యక్షురాలు వల్లభనేని వాణి, యూపీహెచ్సీ మెడికల్ ఆఫీసర్ డాక్టర్ పి. అనూష కొనియాడారు. అంతర్జాతీయ మహిళా దినోత్సవాన్ని పురస్కరించుకుని సోమవారం సాయంత్రం పెదవడ్లపూడిలోని ‘అమ్మానాన్న నిలయం’లో గ్రామ మాజీ సర్పంచ్ అన్నే చంద్రశేఖర్ – పద్మలత దంపతుల ఆధ్వర్యంలో మహిళా దినోత్సవ వేడుకలు అత్యంత వేడుకగా జరిగాయి.
విశిష్ట సేవలందించిన మహిళలకు సత్కారం
ఈ సందర్భంగా వివిధ రంగాల్లో విశేష కృషి చేస్తున్న 10 మంది మహిళా మణులను అన్నే దంపతులు శాలువాలతో ఘనంగా సత్కరించి, పసుపు కుంకుమలు అందజేశారు. సత్కారం పొందిన వారిలో వీరు ఉన్నారు:
| పేరు | రంగం/హోదా |
| వల్లభనేని వాణి | స్నేహ మహిళా మండలి అధ్యక్షురాలు |
| డాక్టర్ పి. అనూష | మెడికల్ ఆఫీసర్, మంగళగిరి యూపీహెచ్సీ |
| ఓలేటి శైలజ | హెచ్.ఎం, జడ్పీ హైస్కూల్ |
| నెమలిపూరి రంగలత | యోగా టీచర్ |
| ప్రసన్న | మేనేజర్, బ్యాంక్ ఆఫ్ ఇండియా |
| సంధ్యారాణి | నిర్వాహకురాలు, షైన్ ఆనంద శరణాలయం |
| చింతక్రింది సాయి జ్యోతి | రచయిత్రి |
| బుస్సా రాణి | పారిశుద్ధ్య కార్మికురాలు |
| మద్దుకూరి శివ చరణీ | మాజీ ఎంపీటీసీ సభ్యురాలు |
| గడ్డిపాటి అపర్ణ | మహిళా నాయకురాలు |
మహిళా త్యాగం వెలకట్టలేనిది
ఈ సందర్భంగా వక్తలు మాట్లాడుతూ.. మహిళ తన ఆరోగ్యాన్ని కూడా లెక్కచేయకుండా కుటుంబం కోసం నిరంతరం శ్రమిస్తుందని, ఆమె త్యాగాల పునాదులపైనే సమాజం నిలబడి ఉందని పేర్కొన్నారు. ఆకాశంలో సగం కాదు, అన్ని రంగాల్లోనూ మహిళలు నేడు అగ్రగాములుగా నిలుస్తున్నారని ప్రశంసించారు. విశిష్ట సేవలందిస్తున్న మహిళలను గుర్తించి సత్కరించడం పట్ల అన్నే చంద్రశేఖర్ దంపతులను అభినందించారు.managalagiri news
ఈ కార్యక్రమంలో గ్రామ పెద్దలు వెలగపూడి బ్రహ్మం, బోయపాటి రమేష్ మరియు ఇతర గ్రామ ప్రముఖులు పాల్గొన్నారు.
Author
