నటుడు, దర్శకుడు, నృత్య దర్శకుడు మరియు దాత అయిన Raghava Lawrence (రాఘవ లారెన్స్) ప్రయాణం ఎందరికో స్ఫూర్తిదాయకం. ఒకప్పుడు కారు క్లీనర్ గా పనిచేసిన స్థితి నుండి, డ్యాన్స్ మాస్టర్ గా ఎదిగి, నేడు స్టార్ హీరోగా, బ్లాక్ బస్టర్ దర్శకుడిగా, కోట్లాది రూపాయల నికర ఆస్తిపరుడిగా మారడం వెనుక ఎంతో కృషి, పట్టుదల, మరియు సేవా గుణం ఉన్నాయి. రాఘవ లారెన్స్ జీవితం, సినిమా కెరీర్, నికర ఆస్తి మరియు ఆయన చేస్తున్న సేవా కార్యక్రమాల గురించి వివరంగా తెలుసుకుందాం. ముఖ్యంగా, తన సంపాదనలో సింహభాగం సమాజ సేవకే వినియోగిస్తూ, “సంపద అనేది సేవ చేయగలిగే శక్తి” అనే నమ్మకంతో జీవిస్తున్న Raghava Lawrence గమనం ఎంతోమందికి ఆదర్శప్రాయంగా నిలుస్తోంది.
రాఘవ లారెన్స్అ సలు పేరు లారెన్స్ మురుగైయన్. చెన్నైలో 1976 అక్టోబర్ 29న జన్మించిన ఆయన చిన్నతనంలో మెదడులో కణితి (Brain Tumor) అనే తీవ్ర అనారోగ్యంతో బాధపడ్డారు. ఆ సమయంలో ఆయన తల్లి కన్మణి రాఘవేంద్ర స్వామిని వేడుకోవడంతో, ఆయనకు నయం అయిందని నమ్ముతారు. ఆ స్వామి పట్ల భక్తితోనే ఆయన తన పేరును ‘రాఘవ’గా మార్చుకున్నారు. ఇతని వ్యక్తిగత జీవితంలో తన భార్య లత లారెన్స్ మరియు కుమార్తె రాఘవి ఉన్నారు. చిన్నప్పుడే కారు క్లీనర్ గా పనిచేసిన రాఘవ లారెన్స్ కి, సూపర్ స్టార్ రజనీకాంత్ గారు డ్యాన్స్ టాలెంట్ ను గుర్తించి, డ్యాన్సర్స్ యూనియన్ లో చేరడానికి సహాయం చేయడం అతని సినీ ప్రస్థానంలో ఒక గొప్ప మలుపు. రజనీకాంత్ తో తనకు ఉన్న ఈ బంధాన్ని, రాఘవ లారెన్స్ఎ ప్పుడూ కృతజ్ఞతతో గుర్తుచేసుకుంటూ ఉంటారు.
రాఘవ లారెన్స్మొ దటగా 1989లో తమిళ చిత్రం ‘సంసార సంగీతం’లో ఓ పాటలో కనిపించారు. ఆ తర్వాత ‘దొంగా పోలీస్’, ‘జెంటిల్ మన్’, ‘ముఠా మేస్త్రి’, ‘రక్షణ’, ‘అల్లరి ప్రియుడు’ వంటి పలు సినిమాలలో గ్రూప్ డ్యాన్సర్ గా కనిపించారు. తెలుగులో మెగాస్టార్ చిరంజీవి గారి ‘హిట్లర్’ చిత్రానికి కొరియోగ్రఫీ చేసే అవకాశం లభించడంతో ఆయనకు కొరియోగ్రాఫర్ గా గుర్తింపు లభించింది. ఈ పనితీరు నచ్చడంతో చిరంజీవి గారి తర్వాతి చిత్రం ‘మాస్టర్’కి కూడా అవకాశం ఇచ్చారు. ఉత్తమ కొరియోగ్రాఫర్ గా Raghava Lawrence నాలుగు ఫిలింఫేర్ అవార్డులు మరియు మూడు నంది అవార్డులను గెలుచుకున్నారు. ఆయన నృత్య శైలిలో హిప్-హాప్ మరియు వెస్ట్రనైజ్డ్ డ్యాన్స్ మూవ్స్ ప్రత్యేక ఆకర్షణగా ఉంటాయి.
1999లో వచ్చిన తెలుగు చిత్రం ‘స్పీడ్ డ్యాన్సర్’తో Raghava Lawrence హీరోగా పరిచయం అయ్యారు, ఆ తరువాత తమిళంలో 2002లో ‘అద్భుతం’ అనే చిత్రంలో మొదటి లీడ్ రోల్ పోషించారు. 2004లో కింగ్ నాగార్జున హీరోగా వచ్చిన ‘మాస్’ చిత్రంతో దర్శకుడిగా మారారు, ఈ సినిమా వాణిజ్యపరంగా విజయం సాధించింది. ఆ తర్వాత ‘స్టైల్’, ‘డాన్’ వంటి చిత్రాలకు దర్శకత్వం వహించినా, 2007లో ఆయన దర్శకత్వం వహించి నటించిన ‘ముని’ చిత్రం రాఘవ లారెన్స్ కెరీర్లో బిగ్ బ్రేక్ ఇచ్చింది. భయపడుతూనే, దెయ్యం పట్టిన వ్యక్తిగా ఆయన నటన అభిమానులను విశేషంగా ఆకట్టుకుంది. ఈ హారర్-థ్రిల్లర్ సినిమా విజయంతో, రాఘవ లారెన్స్ ఆ తర్వాత 2011లో ‘ముని 2: కాంచన’, 2015లో ‘ముని 3: కాంచన 2’, 2019లో ‘ముని 4: కాంచన 3’ చిత్రాలతో ఈ ఫ్రాంచైజీని కొనసాగించారు. ఈ ‘కాంచన’ సిరీస్ చిత్రాలు బాక్సాఫీస్ వద్ద 100 కోట్ల పైగా లాభాలను ఆర్జించి, ఆయన్ను స్టార్ హీరో, డైరెక్టర్ గా నిలబెట్టాయి. ప్రస్తుతం ఆయన ‘కాంచన 4’ చిత్రానికి దర్శకత్వం వహిస్తూ, నటిస్తున్నారు. ‘చంద్రముఖి 2’, ‘రుద్రన్’, ‘బెన్స్’ వంటి చిత్రాలతో ఆయన ఫిల్మోగ్రఫీ విస్తరించింది.
రాఘవ లారెన్స్ గారి నికర ఆస్తి విషయానికి వస్తే, వివిధ నివేదికల ప్రకారం, ఆయన మొత్తం నికర ఆస్తి దాదాపుగా 100 కోట్లు రూపాయల వరకు ఉంటుందని అంచనా. ఇందులో నటన, దర్శకత్వం, బ్రాండ్ ప్రమోషన్లు, నృత్య ప్రదర్శనల ద్వారా వచ్చే ఆదాయం ప్రధానంగా ఉంది. ఒక సినిమాకి ఆయన పారితోషికం కోట్లలో ఉంటుంది. అయితే, కేవలం తన వ్యక్తిగత జీవితం కోసమే కాకుండా, తన సంపదలో పెద్ద భాగాన్ని సేవా కార్యక్రమాలకు వినియోగించడం రాఘవ లారెన్స్ గొప్పదనం.
Raghava Lawrence చేసిన సేవా కార్యక్రమాలు అసాధారణమైనవి మరియు ప్రశంసనీయమైనవి. ఆయన స్థాపించిన “రాఘవ లారెన్స్ ఛారిటబుల్ ట్రస్ట్” ద్వారా పేద పిల్లల విద్య, వైద్యం మరియు ఇతర అవసరాలకు సహాయం అందిస్తున్నారు. గుండె జబ్బులతో బాధపడుతున్న అనేక మంది పిల్లలకు శస్త్రచికిత్సలు చేయించడానికి ఆర్థిక సహాయం అందించారు. 2015లో భారత మాజీ రాష్ట్రపతి అబ్దుల్ కలాం మరణించిన తర్వాత ఆయన పేరు మీద ఒక ఛారిటీ ట్రస్ట్‌ను ఏర్పాటు చేసి దానికి ఒక కోటి రూపాయలు విరాళంగా ఇచ్చారు. జల్లికట్టు ఆందోళనల సమయంలో నిరసనకారులకు ఆహారం, మందులు మరియు ఇతర మౌలిక అవసరాలను కూడా సమకూర్చారు. తన మొదటి ఇంటిని ఉచిత విద్యా కేంద్రంగా మార్చిన ఆయన నిర్ణయం అభిమానుల నుండి గొప్ప ప్రశంసలు అందుకుంది. ప్రతి సినిమా అడ్వాన్స్ డబ్బుతో సమాజ సేవ చేయడం తన అలవాటుగా ఆయన చెబుతుంటారు. తన తల్లి కన్మణి గారిపై అపారమైన ప్రేమతో, ఆమె జీవించి ఉండగానే ఆమెకు గుడి కట్టించడం Raghava Lawrence వ్యక్తిత్వంలోని మరో గొప్ప కోణం. మతం, కులం అనే తేడా లేకుండా, మూడు మతాలకు ఒకే చోట గుడి నిర్మించాలనే ఆయన సంకల్పం కూడా ఆయనలోని దాతృత్వాన్ని, మానవత్వాన్ని ప్రతిబింబిస్తుంది.
Raghava Lawrence సినిమా జీవితం, ఒక డ్యాన్సర్ నుంచి స్టార్ గా ఎదిగిన అద్భుతమైన కథ. తన ప్రత్యేకమైన నృత్య శైలి, నటన, దర్శకత్వ ప్రతిభతో పాటు సమాజ సేవ పట్ల ఆయనకున్న నిబద్ధత, ఆయన్ను కేవలం సినీ ప్రముఖుడిగానే కాకుండా, నిజమైన “మంచి మనిషి”గా అభిమానుల హృదయాలలో నిలబెట్టింది. తన 100 కోట్ల నికర ఆస్తిలో కూడా సేవా గుణాన్ని పంచుతూ, రాఘవ లారెన్స్ఒ క గొప్ప ఉదాహరణగా నిలిచారు.
Author
