ఏలూరు జిల్లా: ఏలూరులో వైయస్‌ఆర్ 76వ జయంతి వేడుకలు: కాంగ్రెస్ నేతల ఘన నివాళులు||Eluru District: YSR’s 76th Birth Anniversary Celebrated Grandly by Congress in Eluru

ఏలూరు జిల్లా కాంగ్రెస్ కార్యాలయంలో వైయస్‌ఆర్ 76వ జయంతి వేడుకలు ఘనంగా

రైతు బంధువు, మహానేత, దివంగత ముఖ్యమంత్రి డాక్టర్ వైయస్ రాజశేఖర్ రెడ్డి గారి 76వ జయంతిని ఏలూరు జిల్లా కాంగ్రెస్ కమిటీ కార్యాలయంలో ఘనంగా నిర్వహించారు. జిల్లా కాంగ్రెస్ కమిటీ అధ్యక్షులు రాజనాల రామ్మోహన్ రావు ఆధ్వర్యంలో ఈ కార్యక్రమం పెద్ద ఎత్తున జరిగింది. కార్యక్రమానికి హాజరైన నాయకులు వైయస్‌ఆర్ చిత్రపటానికి పూలమాలలు సమర్పించి నివాళులు అర్పించారు. అనంతరం కేక్ కట్ చేసి జయంతి వేడుకలను నిర్వహించారు.

ఈ సందర్భంగా జిల్లా కాంగ్రెస్ అధ్యక్షులు రాజనాల రామ్మోహన్ రావు మాట్లాడుతూ డాక్టర్ వైయస్ రాజశేఖర్ రెడ్డి గారు అన్ని వర్గాల ప్రజల హృదయాలను గెలుచుకున్న గొప్ప ప్రజానాయకుడు అని కొనియాడారు. ‘‘రైతు కష్టాలను తన కష్టాలుగా భావించి రైతుకు సాంత్వన కల్పించిన గొప్ప నేత వైయస్‌ఆర్. పావలా వడ్డీ పథకంతో ఎంతో మంది రైతులకు ఊరట ఇచ్చారు. ఆయన్ను ఎందరో రైతులు ఇప్పటికీ గుర్తు చేసుకుంటూ కృతజ్ఞతతో ఊపిరి పీలుస్తున్నారు’’ అని చెప్పారు.

‘‘వైయస్‌ఆర్ ఆశయం రాహుల్ గాంధీని ప్రధానిగా చూడడం. ఆ లక్ష్య సాధన కోసం రాష్ట్ర పీసీసీ అధ్యక్షురాలు వైయస్ షర్మిల రెడ్డి నేతృత్వంలో కాంగ్రెస్ శ్రేణులు కృషి చేస్తున్నాయి. పార్టీ శ్రేణులంతా సమన్వయంతో ముందుకు సాగి ఆ ఆశయాన్ని నెరవేర్చాలి’’ అని రాజనాల రామ్మోహన్ రావు పిలుపునిచ్చారు.

ఈ కార్యక్రమంలో గౌడు రంగబాబు, కొమ్మన సాంబశివరావు, ప్రతాప్ సుబ్రహ్మణ్య శర్మ, తాళ్లూరి చక్రవర్తి, చక్కా గుప్తా, లంకా రామ్మోహన్ రావు, దండుబోయిన చంద్రశేఖర్, దాసరి రాంప్రసాద్, వెంకటరమణ, సాదే బాబు ప్రసాద్, తీడా సత్యనారాయణ, వీ.ఎన్. మూర్తి, వేల్పుల వెంకటేశ్వరరావు, వల్లకవి శ్రీనివాస్, ఆకుల వెంకన్న, సూర్యనారాయణ, సేవాదళ్ సుబ్బారావు, KSN మూర్తి తదితరులు పాల్గొని వైయస్‌ఆర్ కు ఘన నివాళులు అర్పించారు.

అనంతరం నాయకులు మాట్లాడుతూ రైతు సమస్యలను పరిష్కరించడంలో వైయస్‌ఆర్ చూపిన దారిని కాంగ్రెస్ పార్టీ కొనసాగిస్తుందని తెలిపారు. ఆయన సంక్షేమ పాలనను మరోసారి సాధించేందుకు యువతకు, కార్యకర్తలకు పిలుపునిచ్చారు. కార్యక్రమం కొనసాగినంతసేపు పార్టీ కార్యాలయం వైయస్‌ఆర్ నినాదాలతో మార్మోగింది. కార్యకర్తలు ఆయన ఫొటోలు, బేనర్లు పెట్టి జయంతి వేడుకలను జ్ఞాపకార్థంగా జరిపారు.