తక్కువ రక్తపోటు (Low Blood Pressure) అనేది గుండె నుండి శరీరంలోని అవయవాలకు సరైన రక్తం చేరకపోవడం వల్ల సంభవించే పరిస్థితి. ఇది సాధారణంగా రక్తపోటు 90/60 mmHg కంటే తక్కువగా ఉండడం ద్వారా గుర్తించబడుతుంది. ఎక్కువగా వయోవృద్ధులు, గర్భిణీలు, తీవ్రమైన అనారోగ్య పరిస్థితుల్లో ఉన్నవారు దీనికి గురవుతారు. ఇది చిన్న సమస్యగా కనిపించినా దీర్ఘకాలంగా ఉంటే గుండె, కిడ్నీ, మెదడు వంటి ముఖ్యమైన అవయవాలకు గాయం చేసే ప్రమాదం ఉంది.
ఈ పరిస్థితిలో వ్యక్తి అలసటగా, బలహీనంగా, తల తిరుగుతో ఉండవచ్చు. ఒక్కసారిగా నిలబడినప్పుడు మూర్చకు గురయ్యే అవకాశం ఉంటుంది. కొందరికి బలహీనత, అసహనం, చూపు మసకబారడం వంటి లక్షణాలు కనిపిస్తాయి. కొన్నిసార్లు భోజనం చేసిన తర్వాత లేదా ఎక్కువ సమయం నిద్రలో గడిపిన తర్వాత ఒక్కసారిగా బీపీ తగ్గిపోవచ్చు.
తక్కువ బీపీకి అనేక కారణాలుంటాయి — జలదాహం (డీహైడ్రేషన్), రక్తహీనత, థైరాయిడ్ సమస్యలు, గుండె సంబంధిత వ్యాధులు, శరీరంలో పోషక పదార్థాల కొరత, ఇన్ఫెక్షన్లు వంటి వాటితో పాటు కొన్ని మందుల ప్రభావం వల్ల కూడా బీపీ పడిపోవచ్చు. ముఖ్యంగా మధుమేహం ఉన్నవారు తీసుకునే మందుల వల్ల బీపీ తక్కువ కావచ్చు.
తక్కువ బీపీకి తక్షణ పరిష్కారాలు:
ఈ పరిస్థితిని తక్షణంగా ఎదుర్కోవాలంటే ఉప్పు కలిపిన నీరు తాగడం, తేనె లేదా ఉప్పు వేసిన నిమ్మరసం సేవించడం ద్వారా తాత్కాలిక ఉపశమనం పొందవచ్చు. మితంగా గట్టి కాఫీ కూడా తీసుకోవచ్చు. అయితే, దీన్ని తరచుగా ఎదుర్కొంటున్నవారు తప్పకుండా వైద్యుల సలహా తీసుకోవాలి.
తక్కువ రక్తపోటును నివారించేందుకు సూచనలు:
- రోజు మొత్తంలో తగినన్ని ద్రవాలు తీసుకోవాలి.
- పోషకాహారాన్ని పాటించాలి. ముఖ్యంగా ఐరన్, విటమిన్ బి12 మరియు ఫోలేట్ అధికంగా ఉండే ఆహారం తీసుకోవాలి.
- ఒకేసారి పెద్దమోతలో భోజనం చేయకుండా చిన్నపాటి మోతాదులో తరచూ తినాలి.
- శరీరంలో రక్తప్రసరణను మెరుగుపరిచేలా సాధ్యమైనంత వరకూ వ్యాయామం చేయాలి.
- ఒక్కసారిగా లేచి నడక ప్రారంభించకుండా కాసేపు కూర్చుని ఆపై మెల్లగా లేవాలి.
వయసు పెరిగేకొద్దీ ఈ సమస్య మరింత ప్రబలే అవకాశం ఉంటుంది. అధికంగా మందులు వాడే వారు, నీటిలో ఉండే సోడియం పాళ్లు తగ్గించుకున్న వారు కూడా తక్కువ బీపీకి గురవుతారు. కొన్ని సందర్భాల్లో ఇది ఇతర తీవ్రమైన ఆరోగ్య సమస్యల సంకేతంగా కూడా ఉండవచ్చు. కాబట్టి ఇది సాధారణ సమస్యగా తేలిగ్గా తీసుకోకూడదు.
తక్కువ బీపీ పరిస్థితులు తరచూ మూర్చలు లేదా స్పృహ కోల్పోయే స్థాయికి వెళ్లే ప్రమాదం ఉంటుంది. అందుకే ఈ పరిస్థితిలో ఉన్న వారు నిత్యం తన ఆరోగ్య పరిస్థితిని గమనిస్తూ, తగిన జాగ్రత్తలు తీసుకుంటూ ఉండాలి. నిద్రమాత్రలు, డిప్రెషన్ మందులు వంటి కొన్ని మందులు కూడా రక్తపోటును తగ్గించే ప్రమాదం కలిగిస్తాయి. కాబట్టి ఎప్పుడైనా కొత్త మందులు వాడే ముందు వైద్యుని సూచన తీసుకోవడం అత్యంత ముఖ్యం.
అంతేగాక, దీర్ఘకాలంగా తక్కువ బీపీ సమస్యను నిర్లక్ష్యం చేస్తే, అది గుండె ఫెయిల్యూర్, కిడ్నీ ఫెయిల్యూర్ వంటి తీవ్రమైన పరిణామాలకు దారితీస్తుంది. అందుకే సకాలంలో గుర్తించడమే కాక, తగిన వైద్య చికిత్స తీసుకోవడం ద్వారా ఈ సమస్యను నియంత్రించవచ్చు. ఆరోగ్యకరమైన జీవనశైలిని అవలంబించడం, మానసిక ఒత్తిడిని తగ్గించడం, సరైన నిద్ర తీసుకోవడం వంటి సాధారణ మార్గాలతో కూడా తక్కువ రక్తపోటు నుంచి బయటపడవచ్చు.
Authors
