Hyderabad:29-11-25:-కుత్బుల్లాపూర్ (హైదరాబాద్): బాచుపల్లి పోలీస్ స్టేషన్ పరిధిలోని వాసవి అర్బన్ అపార్ట్మెంట్ వద్ద శనివారం ఉద్రిక్తత నెలకొంది. ఏళ్ల క్రితమే హ్యాండోవర్ చేస్తామని బిల్డర్ వాగ్దానం చేసినప్పటికీ ఇప్పటికీ తమ ఫ్లాట్లు పొందలేదని ఆగ్రహించిన కొనుగోలుదారులు పెద్ద ఎత్తున ధర్నాకు దిగారు.“బిల్డర్ మాటలే… ఫ్లాట్లేమీ కనిపించలేదు”ధర్నాలో పాల్గొన్న బాధితులు మాట్లాడుతూ— “నిర్మాణం పూర్తైందని బిల్డర్ చెబుతున్నాడు… కానీ హ్యాండోవర్ మాత్రం వాయిదాపైనే వాయిదా వేస్తూ వస్తున్నారు. మా జీవిత పొదుపు మొత్తం పెట్టుబడి పెట్టాం. ఇప్పుడు మమ్మల్ని ఇలానే వేధిస్తున్నారు” అని వేదన వ్యక్తం చేశారు. వరుస వాయిదాలు, ఖాళీ హామీలతో తమను మానసికంగా, ఆర్థికంగా తీవ్రంగా దెబ్బతీశారని ఆవేదన వ్యక్తమైంది.
చట్టాల ప్రకారం స్పష్టమైన ఉల్లంఘనలు?గడువు ముగిసినా హ్యాండోవర్ ఇవ్వకపోవడం RERA చట్టం, Apartment Ownership Act, Consumer Protection Act నిబంధనలకు వ్యతిరేకమని న్యాయ నిపుణులు తెలియజేస్తున్నారు. ఒప్పందం ప్రకారం ఫ్లాట్ ఇవ్వకపోతే బిల్డర్పై క్రిమినల్ సహా పలు రకాల చర్యలు తీసుకునే వీలుందని చెప్పారు.బిల్డర్పై తీసుకోగల లీగల్ చర్యలు –RERA వద్ద ఫిర్యాదు చేస్తే హ్యాండోవర్ ఇవ్వాలని డెవలపర్ను ఆదేశించే అధికారం ఉంది. ఆలస్యానికి పరిహారం కూడా విధించవచ్చు.
- కన్స్యూమర్ కోర్టులో కేసు వేసి మానసిక, ఆర్థిక నష్టాలకు నష్టపరిహారం కోరవచ్చు.
- బిల్డర్ మోసం చేసినట్లు తేలితే IPC 406, 420 కింద క్రిమినల్ కేసులు నమోదు అయ్యే అవకాశం ఉంది.
- ఘటనపై స్థానిక పోలీసులు కొనుగోలుదారుల ఫిర్యాదులను స్వీకరించగా, బిల్డర్ స్పందనపై అందరి దృష్టి నిలిచింది.
Author
