గొలుసులతో వేట కుక్కలు.. విజయ్ దేవరకొండ ఊచకోత మామూలుగా లేదుగా!
టాలీవుడ్ సెన్సేషన్ విజయ్ దేవరకొండ మరోసారి బాక్సాఫీస్ వద్ద ‘రౌడీ’ గర్జన చేయడానికి సిద్ధమయ్యారు. ‘హాయ్ నాన్న’ వంటి సాఫ్ట్ ఎమోషనల్ హిట్ ఇచ్చిన డైరెక్టర్ శౌర్యూవ్, ఈసారి విజయ్ని ఒక వైల్డ్ యాక్షన్ మోడ్లోకి దించారు. #VDxShouryuv పేరుతో అనౌన్స్ అయిన ఈ మూవీ పోస్టర్ సోషల్ మీడియాను షేక్ చేస్తోంది.
కథలోని ట్విస్ట్ అదేనా?
ఈ సినిమాకు పెట్టిన ట్యాగ్లైన్ “All this anger was once love” (ఈ కోపమంతా ఒకప్పుడు ప్రేమే) అందరిలో ఆసక్తిని పెంచుతోంది. అంటే, సినిమాలో విజయ్ దేవరకొండ చేసే విధ్వంసం వెనుక ఒక పెయిన్ఫుల్ లవ్ స్టోరీ ఉందనే హింట్ ఇచ్చేశారు మేకర్స్. పోస్టర్లో విజయ్ మెడలో బంగారు గొలుసులు వేసుకుని, నాలుగు భారీ వేట కుక్కలను పట్టుకుని నడుస్తున్న తీరు చూస్తుంటే, ఇందులో దేవరకొండ ఒక గ్యాంగ్స్టర్ లాగానో లేదా ఒక పవర్ఫుల్ లీడర్ లాగానో కనిపించబోతున్నారని అర్థమవుతోంది.
హాలీవుడ్ రేంజ్లో టెక్నీషియన్లు:
కేవలం నటీనటులే కాదు, ఈ సినిమా టెక్నికల్ టీమ్ చూస్తే షాక్ అవ్వాల్సిందే. ‘బాట్మ్యాన్ ఫరెవర్’ వంటి సినిమాలకు పనిచేసిన ఎరిక్ డర్స్ట్ విజువల్ ఎఫెక్ట్స్ అందిస్తుండగా, ‘హౌస్ ఆఫ్ ది డ్రాగన్’ ఫేమ్ అలెజండ్రో మార్టినెజ్ కెమెరా బాధ్యతలు చేపట్టారు. ఇక హేషమ్ అబ్దుల్ వహాబ్ తన సంగీతంతో మరోసారి మ్యాజిక్ చేయబోతున్నారు.
మొత్తానికి, ‘లైగర్’, ‘ఫ్యామిలీ స్టార్’ వంటి సినిమాల తర్వాత విజయ్ చేస్తున్న ఈ ప్రయోగాత్మక యాక్షన్ డ్రామాపై అభిమానుల్లో భారీ అంచనాలు నెలకొన్నాయి. మరి శౌర్యూవ్ చూపించబోయే ఈ కొత్త ప్రపంచంలో విజయ్ ఎంతటి ఊచకోత కోస్తాడో వేచి చూడాలి!
