నందిగామ, ఏప్రిల్ 18 (ప్రతినిధి) :Tangirala Soumya ఆధ్వర్యంలో నందిగామ పట్టణంలోని కాకాని నగర్లో ప్రజా దర్బార్ నిర్వహించారు. ఈ కార్యక్రమంలో స్థానిక ప్రజలు తమ వ్యక్తిగత సమస్యలు, గ్రామీణాభివృద్ధి అంశాలు మరియు ఇతర సమస్యలను నేరుగా ఎమ్మెల్యేకు వినిపించారు.ప్రజలు సమర్పించిన వినతి పత్రాలను ఎమ్మెల్యే తంగిరాల సౌమ్య సానుకూలంగా స్వీకరించి, సమస్యలను త్వరితగతిన పరిష్కరించేలా సంబంధిత అధికారులకు ఆదేశాలు జారీ చేశారు. ప్రజల సమస్యల పరిష్కారానికి తక్షణ చర్యలు తీసుకోవాలని ఆమె సూచించారు.
వేసవి నీటి సమస్యపై ప్రత్యేక దృష్టి
వేసవికాలాన్ని దృష్టిలో ఉంచుకొని తాగునీటి సమస్యలు తలెత్తకుండా ముందస్తు చర్యలు చేపట్టాలని ఎమ్మెల్యే అధికారులను ఆదేశించారు. ఎక్కడా నీటి ఎద్దడి లేకుండా సరఫరా సజావుగా కొనసాగాలని స్పష్టం చేశారు. పెరుగుతున్న ఎండల తీవ్రతను దృష్టిలో ఉంచుకొని ఇది అత్యంత ప్రాధాన్యమైన అంశమని పేర్కొన్నారు.
ఈ కార్యక్రమంలో పాల్గొన్న అధికారులు, కూటమి నేతలు ఎమ్మెల్యే సూచనలను అమలు చేయడానికి కట్టుబడి ఉన్నట్లు తెలిపారు. ప్రజా దర్బార్ ద్వారా తమ సమస్యలను నేరుగా నాయకులకు తెలియజేసే అవకాశం లభించడంతో స్థానికులు సంతోషం వ్యక్తం చేశారు.ప్రజల సమస్యల పరిష్కారానికి ప్రాధాన్యత ఇస్తూ, నియోజకవర్గ అభివృద్ధికి తంగిరాల సౌమ్య కృషి కొనసాగిస్తున్నారని స్థానికులు అభిప్రాయపడ్డారు.
