పొన్నూరు:-పొన్నూరు నియోజకవర్గంలో రాజకీయ సెగలు రాజుకుంటున్నాయి. మామిళ్ళపల్లి గ్రామంలో చోటుచేసుకున్న అక్రమాలను నియోజకవర్గ ప్రజల ముందు ఉంచేందుకు తెలుగుదేశం పార్టీ సిద్ధమైంది. ఈ మేరకు పొన్నూరు పట్టణంలోని టీడీపీ కార్యాలయంలో గురువారం విలేఖర్ల సమావేశం నిర్వహించారు.
అక్రమాలను ఎండగడతాం:
ఈ సమావేశంలో నాయకులు మాట్లాడుతూ, మామిళ్ళపల్లి గ్రామంలో అంబటి మురళీకృష్ణ మరియు అతని అనుచరుడు అంబటి వెంకట కృష్ణ అక్రమంగా గోదాముల్లో మొక్కజొన్నలను నిల్వ చేశారని ఆరోపించారు. ఈ అక్రమ నిల్వలకు సంబంధించిన వాస్తవాలను, సాక్ష్యాధారాలను ప్రజలకు వివరించేందుకే ‘సత్యమేవ జయతే’ కార్యక్రమాన్ని చేపడుతున్నట్లు వెల్లడించారు.
ధూళిపాళ్ళ నరేంద్ర కుమార్ రాక:
మామిళ్ళపల్లి పెద్దేటమ్మ తల్లి ఆశీస్సులతో నిర్వహించనున్న ఈ బహిరంగ సభకు పొన్నూరు నియోజకవర్గ శాసనసభ్యులు, సంగం డెయిరీ చైర్మన్ శ్రీ ధూళిపాళ్ళ నరేంద్ర కుమార్ గారు హాజరుకానున్నారు. రేపు (శుక్రవారం, మే 15) సాయంత్రం 5:00 గంటలకు మామిళ్ళపల్లి గ్రామంలో ఈ కార్యక్రమం జరుగుతుందని, నియోజకవర్గ ప్రజలు, పార్టీ కార్యకర్తలు భారీ సంఖ్యలో తరలివచ్చి విజయవంతం చేయాలని వారు కోరారు.
పాల్గొన్న ముఖ్య నేతలు:
ఈ విలేఖర్ల సమావేశంలో:
- మాదాల వెంకటేశ్వరరావు (ఎలక్షన్ పోల్ మేనేజ్మెంట్ కోఆర్డినేటర్)
- మైలా వెంకట రామరాజు (చేబ్రోలు మండల పార్టీ అధ్యక్షులు)
- వలివేటి మురళి కృష్ణ (పెదకాకాని మండల పార్టీ అధ్యక్షులు)తదితర నేతలు పాల్గొన్నారు.
