నందిగామ, మే 15: నందిగామ నూతన సర్కిల్ ఇన్స్పెక్టర్ (సిఐ)గా పి. శ్రీను శుక్రవారం నాడు ఘనంగా పదవీ బాధ్యతలు స్వీకరించారు. విజయవాడ సైబర్ క్రైమ్ సిఐగా విధులు నిర్వహిస్తున్న ఆయన, ఇటీవలి బదిలీల్లో భాగంగా నందిగామ సిఐగా నియమితులయ్యారు. ఈ సందర్భంగా ఆయనకు పోలీస్ సిబ్బంది, స్థానికులు శుభాకాంక్షలు తెలియజేశారు.
పాత పరిచయమే.. కానీ కొత్త బాధ్యత!
నందిగామ పోలీస్ స్టేషన్తో సిఐ శ్రీనుకు గతంలోనే మంచి అనుబంధం ఉంది. ఆయన గతంలో ఇదే స్టేషన్లో సబ్ ఇన్స్పెక్టర్ (ఎస్ఐ)గా సమర్థవంతంగా పనిచేసి, స్థానికంగా మంచి గుర్తింపు తెచ్చుకున్నారు. ఇప్పుడు అదే స్టేషన్కు సీఐగా, పూర్తి స్థాయి బాధ్యతలతో రావడం విశేషం.
రూరల్ సీఐగా వై.వి.వి.ఎల్. నాయుడు బదిలీ
ఇప్పటివరకు ఇక్కడ సిఐగా పనిచేసిన వై.వి.వి.ఎల్. నాయుడు నందిగామ రూరల్ సీఐగా బదిలీ అయ్యారు. ఆయన స్థానంలో బాధ్యతలు చేపట్టిన పి. శ్రీను మాట్లాడుతూ… శాంతిభద్రతల పరిరక్షణకు, నేరాల అదుపునకు తన వంతు కృషి చేస్తానని, ప్రజలకు పోలీస్ సేవలను ఎల్లప్పుడూ అందుబాటులో ఉంచుతానని పేర్కొన్నారు.
