విశాఖపట్నం ఐటీ ముఖచిత్రంపై రాజకీయ యుద్ధం ముదురుతోంది. ఒకవైపు గూగుల్ డేటా సెంటర్ రాకతో ఉత్తరాంధ్రలో పండుగ వాతావరణం నెలకొంటే.. మరోవైపు దీని క్రెడిట్ విషయంలో అధికార, ప్రతిపక్షాల మధ్య మాటల తూటాలు పేలుతున్నాయి. మంగళగిరిలోని తెలుగుదేశం పార్టీ కేంద్ర కార్యాలయంలో నిర్వహించిన విలేకరుల సమావేశంలో శాసనమండలి చీఫ్ విప్ పంచుమర్తి అనురాధ మాజీ సీఎం జగన్ మోహన్ రెడ్డిపై తీవ్రస్థాయిలో విరుచుకుపడ్డారు.
విశాఖ నగరాన్ని గత వైకాపా ప్రభుత్వం గంజాయి, భూ కబ్జాలు, అపహరణలకు కేంద్రంగా మార్చిందని అనురాధ ఆరోపించారు. కానీ, ప్రస్తుత కూటమి ప్రభుత్వం విశాఖను గ్లోబల్ టెక్ సిటీగా తీర్చిదిద్దుతోందని, అందులో భాగంగానే గూగుల్ వంటి అంతర్జాతీయ దిగ్గజ సంస్థను తీసుకువచ్చిందని ఆమె స్పష్టం చేశారు. గూగుల్ సంస్థ రాకను అడ్డుకోవడానికి వైకాపా నాయకులు కోర్టుల్లో పిటిషన్లు వేసి విశ్వప్రయత్నాలు చేశారని, భూసేకరణ మరియు ప్రోత్సాహకాల ప్రక్రియలో అడ్డంకులు సృష్టించారని మండిపడ్డారు.
పంచుమర్తి అనురాధ ప్రెస్ మీట్): ఇప్పుడు గూగుల్ సంస్థ క్షేత్రస్థాయిలోకి వచ్చేసరికి, ఆ క్రెడిట్ను తన ఖాతాలో వేసుకోవాలని జగన్ ప్రయత్నిస్తున్నారని, ఇది ‘క్రెడిట్ చోరీ’ అని ఆమె ఎద్దేవా చేశారు. రాష్ట్రానికి పెట్టుబడిదారులు వస్తున్నారంటే అది మంత్రి నారా లోకేశ్ ఇస్తున్న భరోసా వల్లేనని అనురాధ పేర్కొన్నారు. గత ఐదేళ్ల విధ్వంస పాలన తర్వాత, ఇప్పుడు ఏపీలో మళ్లీ పెట్టుబడుల పర్వం మొదలైందని ఆమె ధీమా వ్యక్తం చేశారు.
విశాఖను ఐటీ హబ్గా మార్చడమే లక్ష్యంగా కూటమి ప్రభుత్వం ముందుకు సాగుతోందని, ఇలాంటి అడ్డంకులు ఎన్ని ఎదురైనా అభివృద్ధి ఆగదని అనురాధ స్పష్టం చేశారు. ఐటీ రంగంలో వస్తున్న ఈ మార్పులు ఏపీ భవిష్యత్తును ఎలా మారుస్తాయో వేచి చూడాలి. కెమెరామెన్ రాముతో, న్యూస్ డెస్క్.
