ఆంధ్రప్రదేశ్ ఇంటర్మీడియట్ విద్యార్థులకు అలర్ట్. ఇంటర్ అడ్వాన్స్డ్ సప్లిమెంటరీ పరీక్షలకు సంబంధించి ప్రభుత్వం కీలక నిర్ణయం తీసుకుంది. పరీక్ష ఫీజు చెల్లింపు గడువును పొడిగిస్తూ బోర్డ్ ఆఫ్ ఇంటర్మీడియట్ ఎడ్యుకేషన్ ఉత్తర్వులు జారీ చేసింది.
పరీక్ష ఫీజు చెల్లించేందుకు గతంలో నిర్ణయించిన ఏప్రిల్ 27 చివరి తేదీ ముగియడంతో.. విద్యార్థులు, తల్లిదండ్రుల నుంచి వచ్చిన అభ్యర్థనల మేరకు ఈ గడువును ఏప్రిల్ 30 వరకు పొడిగించినట్టు బోర్డు కార్యదర్శి రంజిత్ బాషా వెల్లడించారు. వివిధ కారణాల వల్ల ఇప్పటి వరకు ఫీజు చెల్లించలేకపోయిన విద్యార్థులు ఈ మూడు రోజుల అదనపు సమయాన్ని సద్వినియోగం చేసుకోవాలని ఆయన సూచించారు.
ఇంటర్ బోర్డ్ ఆఫీస్ & స్టూడెంట్స్): అయితే, ఏప్రిల్ 30 తర్వాత ఎట్టి పరిస్థితుల్లోనూ గడువు పొడిగించే ప్రసక్తే లేదని రంజిత్ బాషా స్పష్టం చేశారు. విద్యార్థులు తమ తమ కళాశాలల ద్వారా నిర్ణీత గడువులోగా ఫీజు చెల్లించే ప్రక్రియను పూర్తి చేయాలని కోరారు. సప్లిమెంటరీ పరీక్షలకు హాజరయ్యే విద్యార్థులు చివరి నిమిషం వరకు వేచి చూడకుండా వెంటనే సంబంధిత కాలేజీ ప్రిన్సిపాళ్లను సంప్రదించాలని అధికారులు స్పష్టం చేస్తున్నారు.
ఒక్క ఏడాది వృథా కాకుండా చూసుకునేందుకు ఇదొక మంచి అవకాశం. కాబట్టి విద్యార్థులంతా ఈ సమాచారాన్ని గమనించి గడువు లోపు ఫీజు చెల్లించాల్సి ఉంటుంది. మరిన్ని విద్యా వార్తల కోసం మా ఛానల్ను సబ్స్క్రైబ్ చేసుకోండి. కెమెరామెన్ సాయి ప్రకాష్తో, న్యూస్ డెస్క్.
