ఆంధ్రప్రదేశ్ పారిశ్రామికాభివృద్ధిలో మరో చారిత్రక ఘట్టం ఆవిష్కృతమైంది! సాగర నగరం విశాఖపట్నం ఇకపై గ్లోబల్ ఐటీ హబ్గా గర్జించబోతోంది. విశాఖలోని తర్లువాడ వేదికగా గూగుల్ ఏఐ డేటా సెంటర్ నిర్మాణానికి భూమి పూజ ఘనంగా నిర్వహించారు. ఈ అద్భుత ఘట్టానికి ముఖ్యమంత్రి నారా చంద్రబాబు నాయుడు, కేంద్ర మంత్రి అశ్వినీ వైష్ణవ్, రాష్ట్ర ఐటీ శాఖ మంత్రి నారా లోకేశ్ శ్రీకారం చుట్టారు. కేవలం డేటా సెంటర్ మాత్రమే కాదు, ఏపీ భవిష్యత్తును మార్చే ఏఐ విప్లవానికి ఇది నాంది!
కేంద్ర మంత్రి రామ్మోహన్ నాయుడు మరియు గూగుల్ ప్రతినిధుల సమక్షంలో జరిగిన ఈ శంకుస్థాపన కార్యక్రమం, రాష్ట్ర పెట్టుబడుల వేగానికి నిదర్శనం. ఈ డేటా సెంటర్ రాకతో విశాఖ ముఖచిత్రమే మారిపోనుంది. ఒకప్పుడు పర్యాటకానికి కేరాఫ్ అడ్రస్గా ఉన్న వైజాగ్, ఇప్పుడు ఆర్టిఫిషియల్ ఇంటెలిజెన్స్ డేటా హబ్గా, సబ్సీ కేబుల్ నెట్వర్క్కు ప్రధాన కేంద్రంగా అవతరించబోతోంది. ప్రపంచస్థాయి టెక్ దిగ్గజం గూగుల్ ఇక్కడ అడుగుపెట్టడం వల్ల వేల సంఖ్యలో ఉద్యోగ అవకాశాలు రావడమే కాకుండా, అనుబంధ సాఫ్ట్వేర్ సంస్థలు కూడా విశాఖ వైపు క్యూ కట్టే అవకాశం ఉంది.
సోషల్ మీడియా ట్రెండ్స్) ఇక ఈ వార్త సోషల్ మీడియాలో దావానంలా వ్యాపించింది. #GoogleBreaksGroundInVizag అనే హ్యాష్ట్యాగ్ ‘ఎక్స్’ (ట్విట్టర్) వేదికగా నేషనల్ లెవల్లో ట్రెండింగ్లో నిలిచింది. నెటిజన్లు ఏపీ ఐటీ విజన్పై ప్రశంసల వర్షం కురిపిస్తున్నారు. గూగుల్ డేటా సెంటర్ అంటే అది కేవలం ఒక బిల్డింగ్ కాదు, కోట్లాది మంది డేటాను భద్రపరిచే ఒక డిజిటల్ గుండెకాయ. అటువంటి ప్రతిష్టాత్మక ప్రాజెక్టును విశాఖకు తీసుకురావడంలో చంద్రబాబు ప్రభుత్వం చూపిస్తున్న చొరవ అమోఘం.
రాబోయే రోజుల్లో విశాఖ మరో సిలికాన్ వ్యాలీగా మారుతుందనడంలో సందేహం లేదు. డేటా సెంటర్ నుంచి సబ్సీ కేబుల్ వరకు, ఏఐ హబ్ నుంచి హైటెక్ ఉద్యోగాల వరకు.. విశాఖ అభివృద్ధి పరుగులు తీస్తోంది. గూగుల్ రాకతో ఏపీ టెక్ ప్రస్థానంలో సరికొత్త శకం ప్రారంభమైంది. మరిన్ని విశేషాల కోసం చూస్తూనే ఉండండి!
