దేశవ్యాప్తంగా ఓటర్ల జాబితా నుంచి 13 కోట్ల మంది ఓట్లు తొలగించడం దారుణమని సీపీఐ రాష్ట్ర కార్యదర్శివర్గ సభ్యులు జంగాల అజయ్ కుమార్ విమర్శించారు. శుక్రవారం గుంటూరులోని మల్లయ్యలింగం భవన్లో ఆయన మాట్లాడుతూ, ప్రధాన ఎన్నికల కమిషనర్ జ్ఞానేశ్ కుమార్ నరేంద్ర మోదీ, అమిత్ షాల మెప్పు కోసం వ్యవహరిస్తున్నారని ఆరోపించారు. ఎన్నికల కమిషన్లోని ఇతర సభ్యులు అభ్యంతరాలు వ్యక్తం చేసినప్పటికీ ఆయన పట్టించుకోవడం లేదన్నారు.దేశవ్యాప్తంగా ఎస్ఐఆర్ ప్రక్రియ పేరుతో బీజేపీ వ్యతిరేక ఓట్లను తొలగించేందుకు కుట్ర జరుగుతోందని ఆరోపించారు. ఈ విధానం ద్వారా ఎన్డీఏ కూటమి దీర్ఘకాలం అధికారంలో కొనసాగేందుకు ప్రయత్నిస్తున్నారని విమర్శించారు. ఎన్నికల కమిషన్కు పలుమార్లు ఫిర్యాదులు చేసినా పట్టించుకోకపోవడం ప్రజాస్వామ్యానికి విరుద్ధమన్నారు.సెప్టెంబర్ 26 నుంచి అక్టోబర్ 2 గాంధీ జయంతి వరకు చీఫ్ ఎలక్షన్ కమిషనర్ జ్ఞానేశ్ కుమార్ను తక్షణమే తొలగించాలని, ఆయన రాజీనామా చేయాలని డిమాండ్ చేస్తూ ఆందోళన కార్యక్రమాలు నిర్వహించనున్నట్లు తెలిపారు. ఈ ఉద్యమంలో ప్రజలందరూ భాగస్వాములు కావాలని సీపీఐ తరఫున పిలుపునిచ్చారు.
