భారత జనగణన–2027లో భాగంగా ఫేజ్-2 జనాభా గణన నిర్వహణకు సంబంధించి జిల్లాస్థాయి, ఛార్జ్ స్థాయి అధికారులకు రెండు రోజుల శిక్షణ కార్యక్రమం సోమవారం గుంటూరు జిల్లా కలెక్టరేట్‌లోని ఎస్.ఆర్. శంకరన్ హాల్లో ప్రారంభమైంది.డైరెక్టరేట్ ఆఫ్ సెన్సస్ ఆపరేషన్స్ వారి ఆధ్వర్యంలో నవంబర్ 9, 10 తేదీల్లో నిర్వహిస్తున్న ఈ శిక్షణ కార్యక్రమంలో రాష్ట్ర సెన్సస్ శిక్షకులు ప్రసన్న కుమార్ అధికారులకు జనాభా గణన విధివిధానాలు, నిర్వహణ పద్ధతులు, అధికారుల బాధ్యతలు తదితర అంశాలపై శిక్షణ అందించారు. జిల్లా సెన్సస్ కోఆర్డినేటర్లు ఆదిలక్ష్మి, రమణ ఈ కార్యక్రమంలో పాల్గొన్నారు.అనంతరం రాష్ట్ర సెన్సస్ అధికారులు జిల్లా కలెక్టర్ సి యం.సాయికాంత్ వర్మ ను ఆయన ఛాంబర్‌లో మర్యాదపూర్వకంగా కలిసి, జనాభా గణన ఫేజ్-2 నిర్వహణకు సంబంధించి చేపడుతున్న శిక్షణ కార్యక్రమం ఉద్దేశాలు, కార్యాచరణ, అధికారులకు అందిస్తున్న శిక్షణ వివరాలను వివరించారు.ఈ కార్యక్రమంలో జిల్లా పంచాయతీ అధికారి సాయికుమార్, జెడ్పీ సీఈవో జ్యోతి బసు, సీపీఓ శేషశ్రీ, సర్వే ఏడీ వెంకటేశ్వరరావు తదితర అధికారులు పాల్గొన్నారు.
