గుంటూరు:- గుంటూరు నగరపాలక సంస్థ మేయర్ అభ్యర్థి ఎంపికపై తెలుగుదేశం పార్టీలో ఉత్కంఠ కొనసాగుతోంది. మేయర్ పదవి జనరల్ మహిళకు కేటాయించడంతో పార్టీ తరఫున ఎవరిని బరిలోకి దింపుతారనే అంశం రాజకీయ వర్గాల్లో ఆసక్తికరంగా మారింది. లలితా హాస్పిటల్స్ అధినేత డాక్టర్ పమిడిముక్కల విజయతో పాటు మరో నలుగురు మహిళల పేర్లు పరిశీలనలో ఉన్నట్లు ప్రచారం జరుగుతోంది. ఐదుగురు ఆశావహుల్లో ఎవరికి అవకాశం దక్కుతుందనే దానిపై పార్టీ శ్రేణుల్లో చర్చ సాగుతోంది.
మేయర్ రేసులో
| సామాజిక వర్గం | ప్రస్తావనకు వచ్చిన ఆశావహులు |
|---|---|
| కమ్మ | మీన రత్న, లక్ష్మి అపర్ణ, , కాట్రగడ్డ అలేఖ్య |
| బ్రాహ్మణ | భీమనాధం శివశిరీష, వై. సింధూర |
| కాపు | డాక్టర్ శనక్కాయల రాజకుమారి, డేగల భువనేశ్వరి |
| బీసీ | తాడిశెట్టి అమల, ఉమ |
గుంటూరు మేయర్ అభ్యర్థిగా డాక్టర్ పమిడిముక్కల విజయ పేరును పరిశీలిస్తున్నట్లు రాజకీయ వర్గాల్లో ప్రచారం జరుగుతోంది. ఆమెను అభ్యర్థిగా ఎంపిక చేసే అంశంపై పార్టీ నాయకత్వం సంప్రదింపులు జరిపినట్లు సమాచారం. అయితే మేయర్ ఎన్నికల్లో పోటీ చేసేందుకు ఆమె ఆసక్తి చూపుతున్నారా? పార్టీ బాధ్యతలు అప్పగిస్తే అంగీకరిస్తారా? అనే అంశాలపై ఇంకా స్పష్టత రావాల్సి ఉంది. ఈ విషయంపై ఆమె నుంచి అధికారిక ప్రకటన వెలువడలేదు. గురువారం సాయత్రం వరకు జరిగిన సంప్రదిపులు లలో డాక్టర్ విజయ ఆసక్తిగా లేరని సంచారం . ఆమె ఆసక్తి గా లేకపోతే మిగిలిన ఐదుగురు మాదల మీనా రత్న, శివ శిరీష, లక్ష్మీ అపర్ణ, డాక్టర్ శనక్కాయల రాజకుమారి, శ్రీమతి డేగల భువనేశ్వరి లో ఎవరో ఒకరిని ఎంపిక చేసి
మరో ఐదుగురు మహిళల పేర్లపైనా కసరత్తు
మాదల మీనా రత్న, శివ శిరీష, లక్ష్మీ అపర్ణ, డాక్టర్ శనక్కాయల రాజకుమారి, శ్రీమతి డేగల భువనేశ్వరి పేర్లు కూడా మేయర్ అభ్యర్థిత్వం కోసం పరిశీలనలో ఉన్నట్లు ప్రచారం సాగుతోంది. వీరిలో ఎవరిని ఎంపిక చేయాలనే అంశంపై పార్టీ నాయకత్వం కసరత్తు చేస్తున్నట్లు సమాచారం. పార్టీ IVR ద్వార సర్వ్ చేపట్టింది తన స్వంత సర్వే మరియు ఇతర స్థానిక అంశాలు తో మేయర్ పదవిని ఆశిస్తున్న నేతలు పార్టీ ముఖ్య నాయకులు, ఎమ్మెల్యేలు, ఎంపీల మద్దతు కూడగట్టేందుకు ప్రయత్నిస్తున్నట్లు రాజకీయ వర్గాల్లో చర్చ జరుగుతోంది. పార్టీ నాయకులతో సంప్రదింపులు, స్థానికంగా రాజకీయ కార్యకలాపాలు, ఎన్నికలకు సంబంధించిన సన్నాహాలు వంటి పరిణామాలు అభ్యర్థుల ఎంపికపై ఉత్కంఠను మరింత పెంచుతున్నాయి. అయితే ఈ వివరాలపై అధికారిక ధ్రువీకరణ రావాల్సి ఉంది.Guntur City News
చంద్రబాబు, లోకేశ్ నిర్ణయంపై ఉత్కంఠ
మేయర్ అభ్యర్థి ఎంపిక వ్యవహారం పార్టీ అధిష్ఠానం స్థాయిలో తుది దశకు చేరినట్లు రాజకీయ వర్గాల్లో ప్రచారం జరుగుతోంది. ముఖ్యమంత్రి నారా చంద్రబాబు నాయుడు లేదా టీడీపీ జాతీయ ప్రధాన కార్యదర్శి నారా లోకేశ్ స్థాయిలో తుది నిర్ణయం వెలువడే అవకాశం ఉందనే చర్చ సాగుతోంది.
నేటి సాయంత్రానికి అభ్యర్థి పేరును ప్రకటించే అవకాశం ఉందని ప్రచారం జరుగుతున్నప్పటికీ, దీనిపై పార్టీ నుంచి అధికారిక ప్రకటన రావాల్సి ఉంది. అభ్యర్థి ఎంపికలో రాజకీయ నేపథ్యం, స్థానికంగా ఉన్న బలాబలాలు, సామాజిక సమీకరణాలు కీలకంగా మారే అవకాశముంది.
టీడీపీ ప్రకటన తర్వాత వైసీపీ నిర్ణయం?
టీడీపీ ముందుగా తన మేయర్ అభ్యర్థిని ఖరారు చేసిన తర్వాత వైఎస్సార్ కాంగ్రెస్ పార్టీ కూడా తమ అభ్యర్థి పేరును ప్రకటించే అవకాశం ఉందని రాజకీయ వర్గాల్లో చర్చ జరుగుతోంది. టీడీపీ అభ్యర్థి ఎంపికను బట్టి వైసీపీ తన వ్యూహాన్ని ఖరారు చేసే అవకాశముందని ప్రచారం సాగుతోంది.
మరోవైపు వైసీపీలోనూ మేయర్ అభ్యర్థిత్వంపై చర్చ జరుగుతున్నట్లు సమాచారం. అంబటి రాంబాబు కుమార్తె, నంబూరి శంకరరావు భార్య పేర్లు పరిశీలనలో ఉన్నట్లు రాజకీయ వర్గాల్లో ప్రచారం వినిపిస్తోంది. అయితే వైసీపీ తరఫున ఎవరిని ఎంపిక చేస్తారనే అంశంపై కూడా అధికారిక స్పష్టత రావాల్సి ఉంది.
నేటి సాయంత్రానికి తేలేనా?
గుంటూరు మేయర్ అభ్యర్థి ఎంపికపై నేటి సాయంత్రానికి స్పష్టత వస్తుందా? టీడీపీ అధిష్ఠానం ఐదుగురు ఆశావహుల్లో ఒకరికి అవకాశం కల్పిస్తుందా? టీడీపీ నిర్ణయం తర్వాత వైసీపీ ఎలాంటి వ్యూహంతో ముందుకు వెళ్తుంది? అనే అంశాలు ఇప్పుడు రాజకీయ వర్గాల్లో ఆసక్తిని రేకెత్తిస్తున్నాయి.
ప్రస్తుతం టీడీపీ నుంచి ఐదుగురు మహిళల పేర్లు చర్చలో ఉన్నప్పటికీ, అధికారిక ప్రకటన వెలువడే వరకు అభ్యర్థి ఎవరనేది ఖరారు కాలేదు. ఇరు పార్టీల అభ్యర్థుల ఎంపికతో గుంటూరు నగర రాజకీయాల్లో తదుపరి పరిణామాలు ఎలా ఉండబోతున్నాయనే దానిపై ఉత్కంఠ కొనసాగుతోంది. –CITY న్యూస్ తెలుగు – పొలిటికల్ బ్యూరో: కె. రాంబాబు
