1. మీ కుటుంబ నేపథ్యం గురించి చెప్పండి. సేవా రంగంలోకి రావడానికి మిమ్మల్ని ప్రేరేపించిన వ్యక్తులు ఎవరు?

సమాధానం:

మాది ఇంకొల్లు మండలం పూసపాడు గ్రామం. మేము వ్యవసాయ కుటుంబానికి చెందినవాళ్లం. మా నాన్నగారు, అమ్మగారు ఎంతో కష్టపడి మమ్మల్ని పెంచారు. చిన్నప్పటి నుంచే కష్టపడటం, ఇతరులకు సహాయం చేయడం నేర్చుకున్నాం. వ్యాపార రంగంలోకి రావడానికి బలరామకృష్ణయ్య గారి ప్రోత్సాహం ఎంతో ఉంది. అలాగే నా భార్య, పిల్లలు, అన్నయ్య, బంధువులు అందరూ మంచి పనులు చేయాలని ప్రోత్సహించారు. అదే నన్ను సేవా కార్యక్రమాల వైపు నడిపించింది.

2. సామాజిక సేవ చేయాలనే ఆలోచన మీకు ఎలా వచ్చింది?

సమాధానం: Guntur

వ్యవసాయ కుటుంబం నుంచి వచ్చి ఎన్నో కష్టాలు అనుభవించాను. భగవంతుని దయతో జీవితంలో స్థిరపడిన తర్వాత సంపాదించిన దాంట్లో కొంత సమాజానికి తిరిగి ఇవ్వాలనే ఆలోచన వచ్చింది. మనం సంపాదించేది మన కోసం మాత్రమే కాదు, అవసరంలో ఉన్నవారికి కూడా ఉపయోగపడాలి అనే భావనతో సేవా కార్యక్రమాలు ప్రారంభించాను.

3. ఇప్పటివరకు మీరు చేసిన ముఖ్యమైన సేవా కార్యక్రమాలు ఏమిటి? Join Our News Team

సమాధానం:

పేద విద్యార్థులకు ల్యాప్‌టాప్‌లు, స్కాలర్‌షిప్‌లు, ఫీజు సహాయం అందించాం. గ్రామాల్లో వాటర్ ట్యాంకులు, ఫర్నిచర్, డిజిటల్ టీవీలు ఇచ్చాం. దేవాలయాలు, చర్చిలకు సహాయం చేశాం. వృద్ధాశ్రమాలు, అనాథాశ్రమాలకు తోడ్పాటు అందించాం. విద్య, వైద్యం రంగాల్లో ఎక్కువ సేవలు అందించడానికి ప్రయత్నిస్తున్నాం.

4. ఈ సేవా కార్యక్రమాలకు మీ కుటుంబ సభ్యుల సహకారం ఎలా ఉంది?

సమాధానం:reporter

నా భార్య, పిల్లలు, కోడళ్లు, బంధువులు అందరూ నన్ను ప్రోత్సహిస్తారు. నా ఇద్దరు కుమారులు కూడా సేవా కార్యక్రమాలకు ఎప్పుడూ మద్దతుగా ఉంటారు. వారి సహకారం లేకపోతే ఈ స్థాయిలో సేవా కార్యక్రమాలు చేయడం సాధ్యమయ్యేది కాదు.

5. మీకు అత్యంత సంతృప్తి ఇచ్చిన సేవా కార్యక్రమం ఏది?

సమాధానం:Hyderabad city News

పేద విద్యార్థులకు విద్యా సహాయం అందించడం నాకు అత్యంత సంతృప్తిని ఇస్తుంది. ఒక విద్యార్థి చదువుకుని జీవితంలో స్థిరపడటం చూస్తే ఎంతో ఆనందంగా ఉంటుంది.

6. సామాజిక సేవ చేయాలంటే డబ్బు తప్పనిసరా?

సమాధానం:

కాదు. డబ్బు దానం మాత్రమే సేవ కాదు. సమయదానం, శ్రమదానం, మాటదానం కూడా సేవే. ఒక మంచి పని కోసం సమయం కేటాయించడం, కష్టపడటం, ఒకరికి మంచి సలహా ఇవ్వడం కూడా గొప్ప సేవే.

7. విద్యార్థులకు సహాయం చేసేటప్పుడు మీరు ఎలాంటి ప్రమాణాలు పాటిస్తారు?

సమాధానం:

ముందుగా కుటుంబ ఆర్థిక పరిస్థితి, విద్యార్థి ప్రతిభ, అవసరం ఏమిటి అనే విషయాలు పరిశీలిస్తాను. తర్వాత వారికి స్కాలర్‌షిప్, ఫీజు, ల్యాప్‌టాప్ వంటి అవసరమైన సహాయం అందిస్తాను.

8. మీరు సహాయం చేసేటప్పుడు కులం, మతం, రాజకీయాలు చూస్తారా?

సమాధానం:

అసలు చూడను. నా దృష్టిలో ముందు మనిషి. అవసరంలో ఉన్నవారికి సహాయం చేయడమే నా లక్ష్యం.

9. రోటరీ క్లబ్, మానవతా సంస్థ, నేతాజీ మిత్ర మండలి ద్వారా ప్రస్తుతం ఎలా సేవలు అందిస్తున్నారు?

సమాధానం:

రోటరీ క్లబ్, మానవతా సంస్థల ద్వారా గతంలో సేవలు అందించాను. ప్రస్తుతం కేఎస్ఆర్ నేతాజీ మిత్ర మండలి ద్వారా విద్య, వైద్యం రంగాల్లో సేవా కార్యక్రమాలు కొనసాగిస్తున్నాను.

10. సేవా కార్యక్రమాల్లో విమర్శలు ఎదురయ్యాయా?

సమాధానం:

అవును. మంచి పని చేసే వారిని విమర్శించే వారు ఎప్పుడూ ఉంటారు. కానీ నేను వాటిని నెగెటివ్‌గా తీసుకోలేదు. ప్రశంసలు, విమర్శలు రెండూ సహజం. నా పని నేను చేస్తూ ముందుకు సాగుతున్నాను.

11. విమర్శించే వారికి మీరు ఏమి చెబుతారు?

సమాధానం:

మన వల్ల తప్పు జరిగితే సరిదిద్దుకోవాలి. కానీ అకారణ విమర్శలను పట్టించుకోవాల్సిన అవసరం లేదు. మంచి పని ఆపకూడదు. 20% మంది విమర్శిస్తే, 80% మంది ప్రోత్సహిస్తారు.

12. మీ సేవా కార్యక్రమాలకు నిధులు ఎలా సమకూరుతాయి?

సమాధానం:

నా కుటుంబ సభ్యులు, బంధువులు, స్నేహితులు, వ్యాపార భాగస్వాములు సహకరిస్తారు. ఎవరైనా స్వచ్ఛందంగా సహాయం చేస్తే స్వీకరిస్తాం. ప్రతి సహాయాన్ని పారదర్శకంగా ఉపయోగించడానికి ప్రయత్నిస్తాం.

13. నేటి యువతకు మీరు ఇవ్వాలనుకునే సందేశం ఏమిటి?

సమాధానం:

ముందుగా తల్లిదండ్రులను గౌరవించాలి. జీవితంలో స్థిరపడాలి. తర్వాత సమాజానికి కూడా కొంత తిరిగి ఇవ్వాలి. డబ్బుతో కాకపోయినా సమయం, జ్ఞానం, సేవా భావంతో సహాయం చేయాలి.

14. సమాజంలో నిజమైన మార్పు రావాలంటే ఏమి అవసరం?

సమాధానం:

ఆర్థిక క్రమశిక్షణ, ఆరోగ్య క్రమశిక్షణ రెండూ అవసరం. ఇవి మనిషికి రెండు కళ్లలాంటివి. సంపాదనను సద్వినియోగం చేసుకోవాలి. ఆరోగ్యాన్ని కాపాడుకోవాలి. అప్పుడే కుటుంబం, గ్రామం, దేశం అభివృద్ధి చెందుతాయి.

15. రాజకీయ సేవ, సామాజిక సేవ మధ్య తేడా ఏమిటి?

సమాధానం:

రెండూ సమాజానికి ఉపయోగపడటానికే. రాజకీయ నాయకులు ఒక విధంగా సేవ చేస్తారు. సామాజిక కార్యకర్తలు మరో విధంగా సేవ చేస్తారు. ఇవి సమాజానికి రెండు చక్రాల లాంటివి. రెండూ అవసరమే.

16. భవిష్యత్తులో మీ ప్రధాన లక్ష్యం ఏమిటి?

సమాధానం:

విద్య, వైద్యం రంగాల్లో మరింత సేవ చేయడం. పేద విద్యార్థులు చదువులో ముందుకు రావడం, వైద్యం అందక ఇబ్బంది పడేవారికి చేయూత అందించడం నా లక్ష్యం.

ముగింపు

ప్రపంచంలో మనం సంపాదించేది ధనం, పదవులు, ఆస్తులు శాశ్వతం కావు. కానీ మనం చేసిన మంచి పని, అందించిన సహాయం, తుడిచిన కన్నీటి బొట్టు మాత్రం ఎప్పటికీ ప్రజల హృదయాల్లో నిలిచిపోతాయి. సేవ అనేది డబ్బు ఉన్నవారు మాత్రమే చేయాల్సిన పని కాదు. మంచి మనసు ఉన్న ప్రతి ఒక్కరూ చేయగలరు. విమర్శలను పట్టించుకోకుండా సమాజానికి ఉపయోగపడే పనిని కొనసాగించాలి. ప్రజల ఆశీర్వాదాలే నిజమైన గౌరవం.

Author

City News Telugu