హైదరాబాద్:- దసరా పండుగను పురస్కరించుకుని షాపర్స్ స్టాప్ ఆధ్వర్యంలో హైదరాబాద్‌లో ప్రత్యేక ఫ్యాషన్ షో నిర్వహించారు. ఈ సందర్భంగా దసరా పండుగ సీజన్‌కు అనుగుణంగా రూపొందించిన ప్రత్యేక ఫ్యాషన్ కలెక్షన్‌ను ఆవిష్కరించారు.
ప్రముఖ నటి నిధి అగర్వాల్ షోస్టాపర్‌గా ర్యాంప్‌పై సందడి చేసి ప్రత్యేక ఆకర్షణగా నిలిచారు. సంప్రదాయ భారతీయ వస్త్రధారణతో పాటు ఇండో-వెస్ట్రన్, వెస్ట్రన్ ఫ్యాషన్ శైలుల్లో రూపొందించిన వివిధ డిజైన్లను ఫ్యాషన్ షోలో ప్రదర్శించారు.
పండుగ సీజన్‌లో యువతతో పాటు ఫ్యాషన్ ప్రియులను ఆకట్టుకునేలా ఈ ప్రత్యేక కలెక్షన్‌ను రూపొందించినట్లు షాపర్స్ స్టాప్ ప్రతినిధులు తెలిపారు. దసరా వేడుకలకు అనుగుణంగా సంప్రదాయం, ఆధునికత కలగలిపిన డిజైన్లను అందుబాటులోకి తీసుకొచ్చినట్లు పేర్కొన్నారు.
ఈ దసరా ఫ్యాషన్ కలెక్షన్ షాపర్స్ స్టాప్ స్టోర్లతో పాటు ఆన్‌లైన్‌లోనూ అందుబాటులో ఉంటుందని సంస్థ ప్రతినిధులు వెల్లడించారు.
