గుంటూరు నగర కూటమి మేయర్ అభ్యర్థి కోవెలమూడి లక్ష్మీ అపర్ణ భారీ మెజార్టీతో విజయం సాధించాలని నారెడ్కో సభ్యులు ఆకాంక్షించారు. మాజీ మేయర్ కోవెలమూడి నాని కార్యాలయంలో సమావేశమైన నారెడ్కో సభ్యులు లక్ష్మీ అపర్ణకు ముందస్తు శుభాకాంక్షలు తెలిపారు. ఈ సందర్భంగా చుక్కపల్లి రమేష్ మాట్లాడుతూ, గుంటూరు నగర ప్రజల నుంచి కోవెలమూడి లక్ష్మీ అపర్ణకు విశేష ఆదరణ లభిస్తోందని, ఆమె మేయర్‌గా భారీ మెజార్టీతో విజయం సాధిస్తారనే నమ్మకం ఉందని అన్నారు. ప్రజల ఆశీస్సులతో ఆమె ఘన విజయం సాధించాలని ఆకాంక్షించారు. ఈ కార్యక్రమంలో ఎస్. మధుసూదన్ రెడ్డి, చుక్కపల్లి రమేష్, నాయుడు శ్రీనివాస్ కుమార్, కె. చిన్న అంకారావు, మదాల బాబు, యాగంటి దుర్గాప్రసాద్, కె. చిన్న తిరుపతయ్య, టి. అర్జున్ సాయి తదితర నారెడ్కో సభ్యులు పాల్గొన్నారు.
