నందిగామ:– మున్సిపల్ ఎన్నికలు సమీపిస్తున్న తరుణంలో రాజకీయ ప్రసంగాలకు స్వస్తి చెప్పి, రెండేళ్ల తమ పాలనలో సాధించిన అభివృద్ధిని ప్రజల ముందు ఉంచడమే ప్రజాప్రతినిధిగా తన బాధ్యత అని ఆంధ్రప్రదేశ్ ప్రభుత్వ విప్, నందిగామ ఎమ్మెల్యే శ్రీమతి తంగిరాల సౌమ్య స్పష్టం చేశారు. ప్రజల ఆశీర్వాదంతో బాధ్యతలు చేపట్టిన నాటి నుండి మాటల కంటే ఆచరణకే ప్రాధాన్యత ఇస్తూ నందిగామను ప్రగతి పథంలో నడిపిస్తున్నామని ఆమె పేర్కొన్నారు.
మున్సిపాలిటీకి ‘గ్రేడ్-1’ హోదా – నందిగామ చరిత్రలో నూతనాధ్యాయం నందిగామ పట్టణ చరిత్రలోనే అతిపెద్ద విజయంగా మున్సిపాలిటీకి ‘గ్రేడ్-1’ హోదా సాధించడమేనని సౌమ్య తెలిపారు. కూటమి కౌన్సిల్ చేసిన తీర్మానంతో ప్రభుత్వం 2026 జూన్ 1న జీవో ఎంఎస్ 114 ద్వారా ఈ హోదాను ఖరారు చేసిందన్నారు. దీని ద్వారా పట్టణానికి నిధుల ప్రవాహం పెరగడమే కాకుండా, పరిపాలనా సౌలభ్యం, స్థానిక సమస్యల శీఘ్ర పరిష్కారానికి మార్గం సుగమమైందని వెల్లడించారు.NTR distric news :జనగణనలో అలసత్వం వద్దు-ఎంపీడీవో జి. శ్రీను హెచ్చరిక
రూ. 22 కోట్లతో అభివృద్ధి పనుల పండగ గ్రేడ్-1 హోదాతో నందిగామకు భారీగా నిధులు సమకూరాయని ఎమ్మెల్యే తెలిపారు.
- హైబ్రిడ్ యాన్యుటీ మోడల్: రూ. 19 కోట్లు
- 15వ ఆర్థిక సంఘం నిధులు: రూ. 3.40 కోట్లు
మొత్తంగా రూ. 22 కోట్లకు పైగా విలువైన పనులకు టెండర్ల ప్రక్రియ పూర్తయిందని, త్వరలోనే పనులు ప్రారంభమవుతాయని చెప్పారు. ఇందులో భాగంగా:
- రూ. 3 కోట్లతో అధునాతన మున్సిపల్ కార్యాలయ భవనం
- వివిధ వార్డుల్లో 15 కిలోమీటర్లకు పైగా సీసీ రోడ్ల నిర్మాణం
- గాంధీ సెంటర్ నుండి రామన్నపేట మార్గంలో సెంట్రల్ డివైడర్, ఆకర్షణీయమైన లైటింగ్
- రైతుపేట డౌన్, గోవర్ధన్ గార్డెన్స్ వద్ద అర ఎకరంలో ఆహ్లాదకరమైన పార్క్ ఏర్పాటు చేయనున్నారు. రాబోయే రోజుల్లో నందిగామలోని ప్రతి వీధినీ సిమెంట్ రోడ్డుగా మార్చి చూపిస్తామని ఆమె ధీమా వ్యక్తం చేశారు.
అభివృద్ధి చరిత్రంతా తెలుగుదేశం మార్కే! ఉత్తమ పంచాయతీ స్థాయి నుండి నగర పంచాయతీగా, మున్సిపాలిటీగా, నేడు గ్రేడ్-1 మున్సిపాలిటీగా నందిగామ ఎదిగిన ప్రతి దశకూ తెలుగుదేశం పాలనే పునాది అని సౌమ్య గుర్తుచేశారు. ఆ ప్రగతి ప్రయాణాన్ని ప్రస్తుత కూటమి ప్రభుత్వం మరింత వేగవంతం చేస్తోందన్నారు.
కళ్లముందే కనిపిస్తున్న భారీ ప్రాజెక్టులు:
- కృష్ణా జలాలు: రూ. 103 కోట్ల వ్యయంతో దశాబ్దాల తాగునీటి కష్టాలకు స్వస్తి పలుకుతూ ప్రతి ఇంటికీ కృష్ణమ్మ నీటిని అందించే పనులు శరవేగంగా జరుగుతున్నాయి.
- కేంద్రీయ విద్యాలయం: ఇప్పటికే కేంద్రీయ విద్యాలయ తరగతులు ప్రారంభం కాగా, శాశ్వత భవన నిర్మాణం కోసం 5 ఎకరాల భూమిని కేటాయించాం.
- వైద్య విప్లవం: 100 పడకల ప్రాంతీయ ఆసుపత్రి నిర్మాణం వేగంగా సాగుతోంది, త్వరలోనే ఆయుష్ ఆసుపత్రి కూడా అందుబాటులోకి రానుంది.
- ఆధ్యాత్మిక అభివృద్ధి: శతాబ్దాల చరిత్ర కలిగిన నందిగామ శివాలయం అభివృద్ధి పనులు దాదాపు పూర్తయ్యాయి.
గతంలో ‘శిలాఫలకాలు’.. నేడు ‘నిర్మాణాలు’: వైకాపాపై ఘాటు వ్యాఖ్యలు గత వైకాపా ప్రభుత్వ తీరును తీవ్రంగా ఎండగట్టిన సౌమ్య.. గతంలో కేంద్రీయ విద్యాలయం, ఆసుపత్రి, కృష్ణా జలాల పేరుతో కేవలం ప్రచారాలు, ఫ్లెక్సీలు, శిలాఫలకాలకే పరిమితమయ్యారని విమర్శించారు. “అప్పుడు కాగితాలపై ప్రణాళికలు, ఎల్ఈడీ బోర్డులు మాత్రమే కనిపించాయి.. కానీ నేడు కూటమి పాలనలో కళ్లముందు నిర్మాణాలు కనిపిస్తున్నాయి” అని పునరుద్ఘాటించారు. ఓటమి తర్వాత కూడా కోర్టులు, శాసనమండలి వేదికగా అభివృద్ధిని అడ్డుకోవాలని చూసిన వైకాపా నాయకులు, ఇప్పుడు పనులు పూర్తవుతుంటే ఆ క్రెడిట్ తమ ఖాతాలో వేసుకునేందుకు చిల్లర రాజకీయాలు చేస్తున్నారని మండిపడ్డారు.
నందిగామ ప్రజ తీర్పు సదా శిరోధార్యం! “అభివృద్ధిని ఎవరు అడ్డుకున్నారో, ఎవరు ముందుకు నడిపించారో నందిగామ ప్రజలకు బాగా తెలుసు. కాగితంపై ఇచ్చే హామీకి గడువు ఉంటుంది.. నేలపై నిలిచే నిర్మాణానికి తరాల గుర్తింపు ఉంటుంది” అని సౌమ్య పేర్కొన్నారు. ఈ విజయం తన ఒక్కరిది కాదని, నందిగామ ప్రజలు తనపై ఉంచిన నమ్మకానికి నిదర్శనమని, అభివృద్ధి ప్రయాణం ఇలాగే కొనసాగాలంటే ప్రజల ఆశీస్సులు ఎల్లప్పుడూ ఉండాలని ఆకాంక్షించారు.
