పెదవేగి (దెందులూరు):-దెందులూరు నియోజకవర్గ వైఎస్సార్ కాంగ్రెస్ పార్టీ విస్తృతస్థాయి సమావేశం ఆదివారం పెదవేగి మండలం కొండలరావుపాలెంలోని పార్టీ కార్యాలయంలో అత్యంత వైభవంగా నిర్వహించారు. దెందులూరు మాజీ శాసనసభ్యులు కొఠారు అబ్బయ్య చౌదరి అధ్యక్షతన ఈ సమావేశం జరిగింది.
హాజరైన భారీ జనసందోహం: మాజీ ఎమ్మెల్యే అబ్బయ్య చౌదరి పిలుపు మేరకు నియోజకవర్గంలోని వివిధ మండలాలు, గ్రామాల నుంచి పార్టీ నాయకులు, కార్యకర్తలు, అభిమానులు పెద్ద ఎత్తున తరలివచ్చారు. దీంతో సమావేశ ప్రాంగణమంతా జనసందోహంతో కోలాహలంగా మారింది.
ప్రజాప్రతినిధులకు ఘన సన్మానం: తమ పదవీకాలాన్ని విజయవంతంగా పూర్తి చేసుకుంటున్న జడ్పీటీసీలు, ఎంపీపీలు, ఎంపీటీసీలను ఈ సందర్భంగా పార్టీ శ్రేణులు ఘనంగా సన్మానించాయి. వారికి శాలువాలు కప్పి, అభినందన జ్ఞాపికలను అందజేశారు. ప్రజాసేవలోనూ, పార్టీ బలోపేతంలోనూ వారు అందించిన సేవలను ఈ సందర్భంగా నేతలు కొనియాడారు.Eluru District City News
రాబోయే ఎన్నికలపై దిశా నిర్దేశం: ఈ సమావేశంలో పార్టీ క్షేత్రస్థాయి బలోపేతం, భవిష్యత్ కార్యాచరణ, అలాగే రాబోయే స్థానిక సంస్థల ఎన్నికలకు పార్టీని సన్నద్ధం చేయడంపై విస్తృతంగా చర్చించారు. కార్యకర్తలు, నాయకులు ఐక్యంగా పనిచేసి పార్టీని మరింత ముందుకు తీసుకెళ్లాలని పిలుపునిచ్చారు.
ఈ కార్యక్రమంలో నియోజకవర్గానికి చెందిన వివిధ స్థాయిల ప్రజాప్రతినిధులు, వైఎస్సార్సీపీ ముఖ్య నాయకులు మరియు కార్యకర్తలు పెద్ద సంఖ్యలో పాల్గొన్నారు.
