గుంటూరు జిల్లాలోని హోటళ్లు, గెస్ట్‌హౌస్‌లు, హాస్టళ్లు, ఆశ్రమాలు, సత్రాలు, హోమ్‌స్టేలు, విద్యాసంస్థలు, ఆసుపత్రులు, అలాగే విదేశీయులకు వసతి కల్పించే ఇతర సంస్థల నిర్వాహకులు తమ వద్ద బస చేసే విదేశీయుల రాక, బస మరియు బయలుదేరే వివరాలను నిర్దేశిత విధానంలో తప్పనిసరిగా నమోదు చేయాలని గుంటూరు జిల్లా ఎస్పీ వకుల్ జిందాల్ సూచించారు.ఈ నిబంధనలు విదేశీ పౌరులతో పాటు OCI కార్డు దారులకు కూడా వర్తిస్తాయని కేంద్ర హోం మంత్రిత్వ శాఖకు చెందిన అధికారిక Form III పోర్టల్‌లో స్పష్టం చేయబడింది.Immigration and Foreigners Act, 2025 లోని Section 8 ప్రకారం, విదేశీయులకు వసతి కల్పించే Accommodation Keeper, విదేశీయుల వివరాలను నిర్దేశిత విధానంలో సంబంధిత Registration Officerకు సమర్పించాల్సిన బాధ్యత కలిగి ఉంటారు.అదేవిధంగా Immigration and Foreigners Rules, 2025 లోని Rule 17 ప్రకారం, విదేశీయుడు వసతి ప్రదేశానికి చేరుకున్న తర్వాత 24 గంటలు దాటకుండా Form III వివరాలను ఎలక్ట్రానిక్ విధానంలో సంబంధిత Registration Officerకు సమర్పించాలి. విదేశీయుడు వసతి ప్రదేశం నుంచి బయలుదేరిన వివరాలను కూడా 24 గంటల్లోపు ఎలక్ట్రానిక్ విధానంలో నమోదు చేయాలి. విదేశీయుల వివరాలను నిర్దేశిత Form III పోర్టల్ ద్వారా నమోదు చేయాలి. Form III Portal – Indian FRRO” (https://reference-url-citation.invalid/4)కేంద్ర హోం మంత్రిత్వ శాఖకు చెందిన అధికారిక పోర్టల్ ప్రకారం, హోటళ్లు, వసతి నిర్వాహకులు మరియు విద్యాసంస్థలు విదేశీయులు, OCI కార్డు దారులకు సంబంధించి Form II మరియు Form III వివరాలను నమోదు చేయాల్సి ఉంటుంది.రికార్డులను ఒక సంవత్సరం భద్రపరచాలి. విదేశీయుల రాక, బస మరియు బయలుదేరే వివరాలకు సంబంధించిన రికార్డులను సంబంధిత వసతి నిర్వాహకులు కనీసం ఒక సంవత్సరం పాటు ఎలక్ట్రానిక్ రూపంలో భద్రపరచాలి.Registration Officer, District Magistrate లేదా హెడ్ కానిస్టేబుల్ కంటే తక్కువ కాని హోదా కలిగిన పోలీస్ అధికారి కోరినప్పుడు ఈ రికార్డులను తనిఖీ కోసం అందుబాటులో ఉంచాలని చెప్పారు.
