“అనంతపురం జిల్లా తాడిపత్రిలో అత్యంత దారుణం చోటుచేసుకుంది. ప్రాణ స్నేహితులు అనుకున్న వారే కాలయములై దూసుకొచ్చారు. కేవలం ఒక బైక్ తాళం చెవి విషయంలో మొదలైన చిన్నపాటి వివాదం.. ఒక నిండు ప్రాణాన్ని బలిగొంది. వివరాల్లోకి వెళ్తే.. తాడిపత్రికి చెందిన దూదేకుల అబ్దుల్లా, గౌస్, కార్తిక్ మరికొందరు స్నేహితులు. గతంలో ఒక సందర్భంలో అబ్దుల్లా తన బైక్ తాళం చెవిని కింద పడేశాడని, ఆ చిన్న కారణంతో వీరి మధ్య గొడవ మొదలైంది.”
“ఈ పాత కక్షను మనసులో పెట్టుకున్న గౌస్, కార్తిక్ మరియు వారి మరికొందరు స్నేహితులు అబ్దుల్లాను టార్గెట్ చేశారు. ఆదివారం వీరి మధ్య మళ్లీ మాట మాట పెరిగింది. ఆగ్రహంతో ఊగిపోయిన గౌస్, కార్తిక్ సమీపంలోనే ఉన్న నాపరాళ్లను తీసుకుని అబ్దుల్లాపై విచక్షణారహితంగా దాడి చేశారు. తలకు తీవ్ర గాయాలు కావడంతో అబ్దుల్లా అక్కడికక్కడే రక్తపు మడుగులో కుప్పకూలి ప్రాణాలు విడిచాడు.”
“స్నేహితుడిని ఇంత దారుణంగా చంపేస్తారని ఎవరూ ఊహించలేదు. ఘటన స్థలానికి చేరుకున్న పోలీసులు కేసు నమోదు చేసుకున్నారు. నిందితులు గౌస్, కార్తిక్లను ఇప్పటికే పోలీసులు అదుపులోకి తీసుకుని విచారిస్తున్నట్లు సమాచారం. చిన్నపాటి కోపం ఒకరి ప్రాణాన్ని తీయడమే కాకుండా, మరో ఇద్దరి జీవితాలను జైలు పాలు చేసింది. తాడిపత్రిలో ఈ హత్య ఉదంతం స్థానికంగా పెను కలకలం రేపింది. మరిన్ని తాజా క్రైమ్ వార్తల కోసం మా ఛానల్ను సబ్స్క్రైబ్ చేసుకోండి.”
