మచిలీపట్నం, కృష్ణా జిల్లా: – భారతదేశ జనగణన 2027 ప్రక్రియపై ప్రజల్లో విస్తృత అవగాహన కల్పించే లక్ష్యంతో మచిలీపట్నంలో నిర్వహించిన 5కే రన్ ఉత్సాహంగా సాగింది. జిల్లా ఇంచార్జ్ కలెక్టర్ ఎం. నవీన్ ఈ కార్యక్రమానికి ముఖ్య అతిథిగా హాజరై, జెండా ఊపి పరుగును ప్రారంభించారు.
పరుగు సాగిందిలా..
స్థానిక లక్ష్మీ టాకీస్ సెంటర్ వద్ద ప్రారంభమైన ఈ 5కే రన్, ఆర్టీసీ బస్టాండ్ సెంటర్ మీదుగా సాగి మళ్ళీ తిరిగి లక్ష్మీ టాకీస్ సెంటర్ వద్దే ముగిసింది. దేశ భవిష్యత్తు ప్రణాళికల్లో జనగణన కీలక పాత్ర పోషిస్తుందని, ప్రతి ఒక్కరూ ఈ ప్రక్రియలో భాగస్వాములు కావాలని ఈ సందర్భంగా అధికారులు పిలుపునిచ్చారు.
పాల్గొన్న ప్రముఖులు:
ఈ కార్యక్రమంలో ఇంచార్జ్ కలెక్టర్తో పాటు పలువురు ఉన్నతాధికారులు ఉత్సాహంగా అడుగులు వేశారు:
- కే. చంద్రశేఖర రావు (డీఆర్ఓ)
- సాంబశివరావు (ఆర్డీవో)
- నిఖిల (ట్రైనింగ్ డిప్యూటీ కలెక్టర్)
- రాధిక (కలెక్టరేట్ ఏవో)
వీరితో పాటు వివిధ ప్రభుత్వ శాఖల అధికారులు, సచివాలయ సిబ్బంది మరియు యువత పెద్ద సంఖ్యలో పాల్గొని కార్యక్రమాన్ని విజయవంతం చేశారు. జనగణన ప్రాముఖ్యతను వివరిస్తూ సాగిన ఈ పరుగు పట్టణ ప్రజల దృష్టిని ఆకర్షించింది.
