ప్రిసైడింగ్ అధికారులకు రూ.2,000 లంప్‌సమ్.. పోలింగ్, కౌంటింగ్ సిబ్బందికీ పెరిగిన రెమ్యూనరేషన్
అమరావతి, నవంబర్ 4: గ్రామీణ స్థానిక సంస్థల రెండో సాధారణ ఎన్నికలు–2026 విధుల్లో పాల్గొనే ఉద్యోగులు, సిబ్బందికి ప్రభుత్వం పారితోషికం, భోజన అలవెన్సులను పెంచింది. ఈ మేరకు పంచాయతీరాజ్ శాఖ G.O.RT.No.1086, తేదీ 03-11-2026 ద్వారా సవరించిన చెల్లింపుల వివరాలను వెల్లడించింది.
కొత్త ఉత్తర్వుల ప్రకారం ప్రిసైడింగ్ అధికారులు (PO), కౌంటింగ్ సూపర్‌వైజర్లకు రోజుకు రూ.500 లేదా రూ.2,000 లంప్‌సమ్ చెల్లించనున్నారు. అసిస్టెంట్ పోలింగ్ అధికారులు (APO), ఇతర పోలింగ్ అధికారులకు రోజుకు రూ.400 లేదా రూ.1,600 లంప్‌సమ్, కౌంటింగ్ అసిస్టెంట్లకు రోజుకు రూ.450 లేదా రూ.1,350 లంప్‌సమ్ అందించనున్నారు. క్లాస్-IV, ఆఫీస్ సబార్డినేట్లకు రోజుకు రూ.350 లేదా రూ.1,400 లంప్‌సమ్, మైక్రో అబ్జర్వర్లకు రూ.2,000 లంప్‌సమ్ చెల్లించనున్నారు.
భోజన అలవెన్స్ రూ.500కు పెంపు
ఎన్నికల విధుల్లో పాల్గొనే సిబ్బందికి భోజనం, అల్పాహారం కోసం ఇచ్చే అలవెన్స్‌ను రోజుకు రూ.150 నుంచి రూ.500కు పెంచారు. దీంతో ఒక్కో సిబ్బందికి రోజుకు అదనంగా రూ.350 ప్రయోజనం కలగనుంది.
సిబ్బందికి కేటాయించిన మొత్తానికి తగిన నాణ్యమైన భోజనం, అల్పాహారం అందించాలని సంబంధిత అధికారులకు సూచించారు. నాణ్యమైన భోజనం అందించకపోతే సిబ్బంది ఉన్నతాధికారులకు ఫిర్యాదు చేయవచ్చని పేర్కొన్నారు.
ఎన్నికల విధుల్లో పాల్గొనే ఉద్యోగులకు మెరుగైన సౌకర్యాలు కల్పించి, వారి సేవలకు తగిన పారితోషికం అందించే లక్ష్యంతో ఈ సవరణలు చేసినట్లు ఉత్తర్వుల్లో పేర్కొన్నారు.
— సిటీ న్యూస్ తెలుగు | పొలిటికల్ ప్రతినిధి | అమరావతి.About Us
SUBSCRIBE TO OUR NEWS CHANNEL FOR REGULAR UPDATES
https://www.youtube.com/@CITYNEWSTELUGU
